मुंबई - लेखिका विनता नंदा यांनी बुधवारी (ता. १७) बाबूजी अर्थात आलोकनाथ यांच्या विरोधात ओशिवरा पोलिस ठाण्यात लेखी तक्रार दिली. त्यामुळे आलोकनाथ यांच्या अडचणीत आणखी भर पडली आहे. 

अभिनेत्री तनुश्री दत्ता हिने नाना पाटेकर यांच्या विरोधात केलेल्या आरोपांनंतर बॉलिवूडसह कॉर्पोरेट जगतातही #MeToo मोहिमेमुळे खळबळ उडाली आहे. काही दिवसांपूर्वी लेखिका विनता यांनी फेसबुकवर पोस्ट अपलोड केली होती. त्यांनी आलोकनाथ यांच्या विरोधात बलात्काराचा आरोप केला होता. नंदा यांच्यानंतर आलोकनाथ यांच्या विरोधात अभिनेत्री नवनीत निशान, संध्या मुदुल यांनीही आरोप केले. या वादात अभिनेत्री रेणुका शहाणे यांनीही उडी घेतली. मद्याच्या अधीन गेल्यावर आलोकनाथ यांचे वेगळे रूप समोर येते, अशी खोचक टीका त्यांनी केली होती. दरम्यान, आलोकनाथ यांनी गैरवर्तनाचे आरोप फेटाळून लावले.