Eknath Shinde : एकनाथ शिंदे यांच्यासोबत गेलेल्या खासदारांच काउंटडाऊन सुरू झालं आहे. शिंदेंसोबत गेलेल्या ११ खासदारांच तिकीट कापल जाणार असून केवळ २ खासदारांना लोकसभेची उमेदवारी मिळणार असल्याची माहिती मला दिल्लीतून मिळाली आहे. असा दावा ठाकरे गटाचे खासदार विनायक राऊत यांनी केला आहे.

यावेळी खासदार विनायक राऊत म्हणाले कि, बारसू प्रकरणावरून केवळ राजकारण सुरु आहे. कोकणी माणसांमध्ये सरकारबद्दल असंतोष आहे.सत्ताधाऱ्यांचा खोटारडेपणा आम्ही पुढे आणणार आहोत.

येत्याकाळात कोणताही मंत्रिमंडळ विस्तार होणार नाहीये. नेत्यांना गाजर दाखवण्याचे काम सुरु आहे. महायुतीमध्ये बिघाडी दिसणार आहे असे यावेळी खासदार विनायक राऊत म्हणाले.

शिंदे सरकार ठाकरे गटातील नेत्यांना त्रास देत आहेत. मात्र आपले नेते सहीसलामत बाहेर येतील असे राऊत म्हणाले तर शिंदे गटातील नेते आमच्या संपर्कात आहेत पण त्यांची आम्ही नावं जाहीर करणार नाही, असंही राऊत म्हणाले.