तुमच्या घरातील फ्रिज, एसी जुने झाले असतील आणि तुम्हाला ते विकायचे असतील तर काळजी करु नका. कारण सरकार जुने फ्रिज, एसी, वॉशिंग मशिन्स विकत घेणार आहे. यासाठी सरकार लवकरच स्टील स्क्रॅप पॉलिसी आणणार आहे. त्यामुळे आता जुने फ्रीज, एसी दुय्यम दरात किंवा भंगारात काढण्याची आवश्यकता नाही. आतापर्यंत स्टील स्क्रॅप पॉलिसीमध्ये फक्त वाहनांचा समावेश होता. पहिल्यांदाच आता एसी, फ्रिज आणि वॉशिंग मशीनचा समावेश करण्यात येणार आहे.

स्टील स्क्रॅप धोरणांतर्गत अनेक ठिकाणी स्क्रॅप सेंटर सुरू करण्यात येणार आहे. या केंद्रात जाऊन लोकांना स्टील स्क्रॅप विकता येणार आहे. यामध्ये सर्वच प्रकारातील जुन्या स्टीलचा समावेश असणार आहे. विशेष म्हणजे, स्टील तुम्ही स्क्रॅप केंद्रात विकल्यास सरकारकडून इन्सेंटीव्सही मिळणार आहेत.

या धोरणामुळे स्टील आयातीचं प्रमाण कमी होईल असा विश्वास सरकारकडून व्यक्त करण्यात येतोय. आता सरकारच्या या महत्त्वपूर्ण योजनेला कशाप्रकारे पाठिंबा मिळतो हे पाहणं महत्त्वाचं ठरणार आहे.

WebTitle : government to implement policy to buy scrap material