नागपूर : ज्येष्ठ कामगार नेते आणि महाराष्ट्राचे माजी राज्यमंत्री हरिभाऊ नाईक (Haribhau Naik) यांचं वृद्धापकाळानं निधन झालंय. ते ९४ वर्षांचे होते. माजी राज्यमंत्री नाईक यांनी मध्यरात्री 1 वाजता आपल्या राहत्या घरी अखेरचा श्वास घेतलाय. कामगारांच्या हक्कांसाठी लढणारा नेता गमावल्यानं हळहळ व्यक्त होत आहे.

माजी कामगार राज्यमंत्री राहिलेल्या हरिभाऊ नाईक यांनी नागपूर महानगरपालिकेच्या (Nagpur Municipal Corporation) महापौरपदासह महाराष्ट्र कामगार कल्याण मंडळाचे अध्यक्ष, ILO जागतिक श्रम संघटनेचे भारताचे कामगार प्रतिनिधी, राष्ट्रीय मिल मजदूर संघ नागपूर आणि मुंबईचे अध्यक्ष म्हणूनही त्यांनी काम केलंय.

हरिभाऊ नाईक यांच्यावर आज सायंकाळी 4 वाजता मोक्षधाम, घाट रोड नागपूर इथं शोकाकुल वातावरणात अंत्यसंस्कार केले जाणार आहेत.