मुंबई: "भारतीय जनता पार्टीकडून खालच्या दर्जाचं राजकारण (bjp politics) सुरु आहे. केंद्र सरकारकडून सातत्याने पत्र लिहून महाराष्ट्राला तिसरी लाट (Maharashtra third wave) कधीही येऊ शकते असा इशारा दिला जात आहे. त्यात ६० लाखापेक्षा जास्त नागरिक संक्रमित होऊ शकतात. नीती आयोगाने इशारा दिला आहे. असं असतानाही ज्या पद्धतीने राजकारण सुरु आहे, ते पाहता नीती आयोगाने अनीतीमान भाजपाचा शंकासूर झालाय त्यांना आधी समज द्यावी, महाराष्ट्र सरकाराल समज देण्याची गरज नाही" असे काँग्रेसचे (congress) सरचिटणीस सचिन सावंत (sachin sawant) यांनी म्हटलं आहे.

"जन आशीर्वाद यात्रेत अनेकांवर गुन्हे दाखल झालेत. परंतु एवढे गुन्हे दाखल होऊनही भाजापाचं डोकं ठिकाणावर येत नाही. कोरोनाच्या दुसऱ्या लाटेच्यावेळी भाजपाचे नेते पश्चिम बंगालमध्ये निवडणुकीचं राजकरण करत होते. भाजपा सुपरस्प्रेडर झाला आहे" अशी टीका सचिन सावंत यांनी केली.

"स्वत:च्या राजकीय स्वार्थापोटी आंधळे झालेत. जनहित, जनतेचा जीव धोक्यात घालतोय याची तमा राहिलेली नाही. म्हणूनच आमची पोलीस प्रशासनाकडून अपेक्षा आहे. दहीहंडी, मंदिर उघडण्याचं राजकारण केलं जातय. केंद्रीय सचिव राजेश भूषण पत्र लिहून उत्सवावर निर्बंध घाला सांगत आहेत. पण हे मोदी सरकारचं ऐकत नाहीत. पण हे ऐकत नसतील, तर त्यांच्या मुसक्या आवळल्या पाहिजेत. दया-माया दाखवू नये, अत्यंत खालच्या पातळीची राजरकण सुरु आहे" अशी टीका सचिन सावंत यांनी केली.