Coronavirus : मास्क लावूनच ‘शुभमंगल’; नवदांपत्यांकडून कोरोनाबाबत खबरदारी
पुणे - कोरोनाने जगभरातील नागरिकांचे जीवनमान बदलून टाकले आहे. येथील विवाह नोंदणी कार्यालयात नवदांपत्य मास्क लावून विवाहाच्या पवित्र बंधनात अडकले; तर गुरुवारी लग्नाचा मुहूर्त असूनही नेहमीच्या तुलनेत विवाह नोंदणीत तुलनेने घट झाल्याचे दिसून आले.
शहरातील विवाह नोंदणी कार्यालयात दररोज साधारण आठ-दहा विवाहाची नोंदणी होते. तसेच लग्नाच्या मुहूर्ताच्या दिवशी ३० ते ३५ जोडपी विवाहबद्ध होतात. परंतु सध्या कोरोनामुळे काही जोडप्यांनी विवाह नोंदणी पुढे ढकलली आहे.
इच्छुक वर-वधूंना विवाह नोंदणीसाठी एक महिना अगोदर विवाह नोंदणी कार्यालयात लेखी पूर्वसूचना आणि अर्ज भरून देणे आवश्‍यक असते. त्यानंतर विवाह नोंदणी कार्यालयाकडून इच्छुक वधू-वरांना पुढील दोन महिन्यांची मुदत दिली जाते. ही मुदत संपत असल्यामुळे काही जोडपी विवाहबद्ध होत आहेत.
लग्नाचा मुहूर्त असूनही कोरोनामुळे काही इच्छुक वधू-वरांना इच्छा असूनही विवाहासाठी येता आले नाही. मुहूर्ताच्या दिवशी ३० ते ३५ जोडपी विवाहबद्ध होतात. परंतु आज केवळ दहा जोडपी विवाहबद्ध झाली.
- भालचंद्र पोळ, प्रभारी विवाह अधिकारी, पुणे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.