नगर - सरकारच्या ऊसदराच्या भूमिकेबाबत मी काही बोलू शकत नाही. त्यावर काही बोलणे उचितही ठरणार नाही; तसेच मंत्रिमंडळाच्या विस्तारावर मुख्यमंत्री देवेंद्र फडणवीस हेच बोलतील, असे सांगून माजी मंत्री आमदार एकनाथ खडसे यांनी अधिक बोलणे टाळले.

खासगी कामानिमित्त खडसे आज नगर दौऱ्यावर आले होते. शासकीय विश्रामगृहावर भारतीय जनता पक्षाच्या कार्यकर्त्यांनी त्यांचे स्वागत केले. खडसे म्हणाले, ‘‘ऊसदराबाबत सरकारच्या भूमिकेविषयी मी काय बोलणार? शेवटी त्यावर सरकार निर्णय घेणार आहे.’’ लवकरच राज्याचा मंत्रिमंडळ विस्तार होत आहे. त्यात काही अपेक्षित आहे का, असे विचारले असता, ते म्हणाले, ‘‘विस्ताराविषयी मुख्यमंत्री फडणवीस हेच बोलतील. आज माझ्याकडे बोलण्यासारखा काहीच विषय नाही.’’