मुंबई : राष्ट्रवादी काँग्रेसचे ज्येष्ठ नेते व माजी केंद्रीयमंत्री प्रफुल्ल पटेल हे सक्तवसुली संचालनालयाच्या (ईडी) कार्यालयात हजर झाले. गँगस्टर इक्बाल मिर्ची याची मालमत्ता विकत घेतल्याच्या संशयातून ईडीच्या अधिकाऱ्यांकडून त्यांची चौकशी केली जात आहे.

दक्षिण मुंबईतील बेलार्ड पियर्ड परिसरातील कार्यालयात पटेल यांची चौकशी सुरु आहे. पटेल यांनी सीजे हाउसमधील इक्बाल मिर्चीच्या मालकीचे दोन फ्लॅट विकत घेतल्याचा अधिकाऱ्यांचा संशय आहे. याप्रकरणी अटक केलेल्या हरुण युसूफ व रणजीत सिंग बिंद्रा दलालांची चौकशी करण्यात आली. या चौकशीतून ही माहिती समोर आली आहे. त्या संशयातूनच प्रफुल्ल पटेल यांची चौकशी करण्यात येत आहे.

Vidhan Sabha 2019 : हर्षवर्धन जाधव यांच्यावर आचारसंहिता भंगाचा गुन्हा दाखल

दरम्यान, विधानसभा निवडणुकीच्यादरम्यान पटेल यांची चौकशी केली जात असल्याने याचे राजकीय पडसाद कुठंही उमटू नये, याबाबत पोलिस आणि संबंधित प्रशासनाकडून योग्य खबरदारी घेण्यात येत आहे.