राज्यासह केंद्रातील राजकीय वातावरण सध्या गढुळ झालं आहे. सत्ताधारी आणि विरोधक यांच्यातील टोलेबाजी आणि आरोपप्रत्यारोपामुळे हे वातावरण आणखीन तापलं आहे. दरम्यान, कॉंग्रसेचे नाना पटोले (Nana Patole) यांनी केंद्राचे ८०० कोटी रुपये रेल्वे खात्याने घेतले असल्याचा आरोप केला आहे. त्यांच्या या आरोपावर आता रेल्वेमंत्री रावसाहेब दानवे (Raosaheb Danave) यांनी प्रतित्त्युर दिले आहे.

मंत्री दानवे म्हणाले, कॉंग्रसेचे नाना पटोले यांनी केंद्राचे ८०० कोटी रुपये रेल्वे खात्याने घेतेल असल्याचा आरोप केला आहे. मात्र त्यांना सांगू इच्छितो की, आधीच राज्यात संभ्रम आहे त्यात भर घालू नका. राज्य आणि केंद्र सरकराने ज्या एमयुवर सही केली त्यानुसार १००० कोटी रुपये राज्याने (Maharashtra Govt.) केंद्राला द्यायचे होते. मात्र त्यातील केवळ ८०० कोटी आले आहेत, उर्रवरित २०० कोटी बाकी आहेत. त्यामुळे हा करार करुन हा विषय मार्गी लावा. केंद्र आणि राज्य मिळून जो करार झाला आहे ते केंद्र सरकार (Central Govt) आणि रेल्वे खाते पहायला तयार आहे, असल्याचे त्यांनी स्पष्ट केलं आहे. राज्याप्रमाणे केंद्राचेही अनेक विषय बाकी आहेत. रेल्वे खात्याचे काही पैसे राज्याकडे बाकी आहेत, त्याचा हिशेब राज्यसरकारमधील कोणीही नेता सांगत नाही, असा टोलाही त्यांनी लगावला आहे. राज्याला मंजूर कलेल्या एकूण रकमेच्या ६, ३६५ कोटी रुपये राज्य सरकारकडून केंद्राला येणे बाकी असल्याचेही त्यांनी यावेळ सांगितले.