अमरावती - राज्यातील दहा महापालिकांच्या निवडणूक रिंगणातील रिपाइं आठवले गटाच्या एकूण जागांपैकी केवळ एकच उमेदवार निवडून आला. केवळ अमरावती वगळता राज्यात नऊही महापालिकांमध्ये या पक्षाला प्रवेश मिळू शकला नाही. विशेष म्हणजे, रिपाइंचा गड मानल्या जाणाऱ्या मुंबईतही या पक्षाला एकही जागा जिंकता आली नाही. पुणे महापालिकेत या पक्षाचे नगरसेवक "कमळा'वर निवडून आलेत.
राज्यातील मुंबई 17, नागपूर 19, अकोला 1, अमरावती 2 या महापालिकांसह ठाणे, सोलापूर, उल्हासनगर, पुणे, पिंपरी चिचवड, नाशिक या दहा महापालिकांच्या 21 फेब्रुवारीला झालेल्या निवडणुकीत रिपाइंने (आ) उमेदवार रिंगणात उतरविले होते. पैकी अमरावती वगळता एकाही महापालिकेत या पक्षाला जागा जिंकता आलेली नाही. अमरावती महापालिकेत या पक्षाने प्रकाश बनसोड व प्रा. प्रदीप दंदे या विद्यमान नगरसेवकांना उमेदवारी दिली होती. प्रकाश बनसोड विजयी झाले; तर प्रदीप दंदे यांचा निसटता पराभव झाला. बनसोड सलग पाचव्यांदा निवडून आलेत. महापालिकेत नगरसेवक म्हणून सलग पाचव्यांदा निवडून आलेले प्रकाश बनसोड रिपाइंचे राज्यातील एकमेव सदस्य आहेत. संपूर्ण राज्यात महापालिकेत सलग पाचवेळा रिपाइंच्या तिकिटावर निवडून आतापर्यंत कुणीही आलेले नाही, हे विशेष.
रिपाइंची कॉंग्रेस, राष्ट्रवादी व आता भाजपसोबत युती आहे. महापालिकेच्या निवडणुकीत अमरावती महापालिकेत ते स्वतंत्र लढले. दोन जागांवर लढत होती; पैकी बडनेरा नवी वस्ती प्रभागातून प्रकाश बनसोड यांनी खुल्या संवर्गातून विजय संपादन केला व ते राज्यातील रिपाइं आठवले गटाचे एकमेव नगरसेवक ठरलेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.