मुंबई : 'किडनी घ्या, बियाणे द्या' म्हणणाऱ्या शेतकऱ्याच्या खात्यात शिवसेनेने मदत निधी जमा केला आहे. शिवसेनेकडून संबंधित शेतकऱ्याच्या खात्यात कर्जमाफीसाठी 82 हजार 367 रुपयांची रक्कम जमा करण्यात आली. ही सर्व रक्कम कर्जमाफीच्या खात्यावर वर्ग करण्यात आली.

नामदेव पतंगे असे संबंधित शेतकऱ्याचे नाव आहे. त्याने 'किडनी घ्या, बियाणे द्या' असे म्हणत आपली व्यथा 'सकाळ', 'साम' टीव्हीच्या माध्यमातून मांडली. त्यानंतर या वृत्ताची दखल घेत शिवसेना पक्षप्रमुख उद्धव ठाकरे यांनी या नामदेव पतंगे या शेतकऱ्याला मदतीचे आश्वासन दिले होते. तसेच युवासेना प्रमुख आदित्य ठाकरे यांनी पतंगे यांची भेट घेऊन आपण शेतकऱ्यांच्या पाठीशी खंबीरपणे उभे असल्याचे त्यांनी सांगितले. त्यानंतर आता पंतगे यांना शिवसेनेकडून 82 हजार 367 रुपयांची मदत केली. ही सर्व रक्कम पतंगे यांच्या कर्जमाफीच्या खात्यावर वर्ग करण्यात आली.

दरम्यान, याबाबतचे वृत्त 'सकाळ', 'साम'ने दाखवल्यामुळे मला ही मदत मिळू शकली. यासाठी मी त्यांचे आभार मानतो, अशा शब्दांत पतंगे यांनी प्रतिक्रिया व्यक्त केली.