सोलापूर : राजकीय, धार्मिक, सामाजिक व अभिलेखावरील गुंड प्रवृत्तीच्या, शरिरविषयक गुन्हेगार, टोळ्या अशा लोकांच्या सोशल मिडियावरील (युट्यूब, फेसबूक, इन्स्टाग्राम, ट्विटर व व्हॉट्‌सॲप) हालचालींवर सायबर पोलिसांचे लक्ष आहे. तत्पूर्वी, शहर सायबर पोलिसांनी २० ऑक्टोबर ते १८ नोव्हेंबर या विधानसभेच्या रणधुमाळीत व लोकसभा निवडणुकीवेळी तब्बल ९९ जणांवर कारवाई केली आहे.

विधानसभा निवडणुकीचा प्रचार आज (सोमवारी) संपला असून आता सायबर पोलिसांसह अन्य पोलिस जिल्ह्यातील उमेदवार व त्यांच्या जवळील कार्यकर्त्यांच्या प्रत्येक हालचालींवर लक्ष ठेवून आहेत. निवडणुकीसाठी सोलापूर शहरातील मतदारसंघांमध्ये चार हजारांवर तर ग्रामीणमध्ये आठ हजारांपर्यंत पोलिसांचा बंदोबस्त असणार आहे. आज सायंकाळपासून उद्या (मंगळवार) दिवस-रात्र पोलिसांचे संशयित हालचालींवर वॉच असणार आहे.

पोलिस प्रमुखांनी सर्व अधिकारी, कर्मचाऱ्यांना तसे निर्देश दिले आहेत. शहर-ग्रामीणमधील विविध भागांमध्ये रात्रीच्या वेळी नाकाबंदी लावून वाहनांची तपासणी देखील करण्याचे आदेश आहेत. दुसरीकडे सोशल मिडियावरील आक्षेपार्ह पोस्ट, फोटो मॉर्फिंग अशा बाबींवरही विशेष लक्ष आहे. त्यासाठी सोलापूर शहर पोलिस आयुक्त एम. राज कुमार यांच्या निर्देशानुसार विशेष कर्मचारी नियुक्त करण्यात आले आहेत.

विधानसभा निवडणुकीचा प्रचार आज (सोमवारी) संपला असून आता सायबर पोलिसांसह अन्य पोलिस जिल्ह्यातील उमेदवार व त्यांच्या जवळील कार्यकर्त्यांच्या प्रत्येक हालचालींवर लक्ष ठेवून आहेत. निवडणुकीसाठी सोलापूर शहरातील मतदारसंघांमध्ये चार हजारांवर तर ग्रामीणमध्ये आठ हजारांपर्यंत पोलिसांचा बंदोबस्त असणार आहे. आज सायंकाळपासून उद्या (मंगळवार) दिवस-रात्र पोलिसांचे संशयित हालचालींवर वॉच असणार आहे. पोलिस प्रमुखांनी सर्व अधिकारी, कर्मचाऱ्यांना तसे निर्देश दिले आहेत. शहर-ग्रामीणमधील विविध भागांमध्ये रात्रीच्या वेळी नाकाबंदी लावून वाहनांची तपासणी देखील करण्याचे आदेश आहेत. दुसरीकडे सोशल मिडियावरील आक्षेपार्ह पोस्ट, फोटो मॉर्फिंग अशा बाबींवरही विशेष लक्ष आहे. त्यासाठी सोलापूर शहर पोलिस आयुक्त एम. राज कुमार यांच्या निर्देशानुसार विशेष कर्मचारी नियुक्त करण्यात आले आहेत.

सोशल मिडियावर लक्ष ठेवले जात आहे

पोलिस आयुक्त एम. राज कुमार यांच्या आदेशानुसार पोलिस उपायुक्त डॉ. दीपाली काळे यांच्या मार्गदर्शनाखाली सायबर पोलिसांनी लोकसभा निवडणुकीपासून सोशल मीडीया मॉनिटर सेल उघडला आहे. या सेलमध्ये एक पोलिस उपनिरीक्षक, एक हवालदार व पाच अंमलदारांची नेमणूक केली आहे. या पथकाकडून सोशल मिडियावर लक्ष ठेवले जात आहे. कोणीही सोशल मिडियावर आक्षेपार्ह मेसेज, फोटो, व्हिडिओ टाकू नयेत किंवा एकमेकांना शेअर करु नयेत, अन्यथा निश्चितपणे त्यांच्यावर कारवाई होईल.

- श्रीशैल गजा, वरिष्ठ पोलिस निरीक्षक, सायबर पोलिस, सोलापूर शहर

सायबरची अशी कारवाई

• एकूण प्रकरणे

• ९९

• प्रतिबंधात्मक कारवाई

• ३२

• पोस्ट हटविल्या

• ३०

• दखल-अदखलपात्र गुन्हे

• १८

• पोलिस ठाण्यात प्रलंबित

• १९

...तर ॲडमिनवरही दाखल होईल गुन्हा

आयटी ॲक्ट ६७ अंतर्गत व्हॉट्‌सॲपवर आलेली आक्षेपार्ह पोस्ट त्या ग्रुपवर आल्यावर आणि ती पुढे तशीच फॉरवर्ड झाल्यास त्या व्यक्तीसोबतच ग्रुप ॲडमिनही तेवढाच जबाबदार धरला जातो. पोलिस तपासात ग्रुप ॲडमिन व त्या ग्रुपवर पोस्ट टाकणारा कोणी दोषी आढळल्यास पहिल्या गुन्ह्याला आरोपीला पाच वर्षांपर्यंत शिक्षा किंवा पाच लाखांचा दंड होवू शकतो, अशी कायद्यात तरतूद आहे.