मुंबई : राज्य सरकारकडून ऐतिहासिक गडकिल्ले भाड्याने देण्याचे धोरण आखले. त्यावर आता भाजप नेते उदयनराजे भोसले यांनी यावर वक्तव्य केले. ते म्हणाले, गडकिल्ले भाड्याने देणे यात काहीही चुकीचे वाटत नाही. पर्यटनावर देशाची अर्थव्यवस्था अवलंबून असते. त्यामुळे गडकिल्ले भाड्याने दिल्यास आपल्या देशाची अर्थव्यवस्था सुधारेल, असेही उदयनराजे म्हणाले. 

उदयनराजे यांनी एका इंग्रजी वृत्तपत्राला मुलाखत दिली. या मुलाखतीत त्यांनी सांगितले, की गडकिल्ले भाड्याने उपलब्ध करुन देण्याच्या धोरणावर माध्यमांनी चुकीचे वळण दिले. मी पर्यटनमंत्री जयकुमार रावल यांच्याशी या विषयावर चर्चा केली असून, मला त्यांनी सरकारचे हे धोरण पूर्णपणे समजावून सांगितले. सरकारच्या धोरणात किल्ल्यांचा काही भाग लग्न समारंभास भाड्याने द्यावा, असे म्हटले. त्यामुळे मला यामध्ये काहीही चुकीचे वाटत नाही. 

Vidhan Sabha 2019 : मुख्यमंत्री म्हणतात, नितेश राणेंना आमच्या शाळेत संयम शिकवू

तसेच ते पुढे म्हणाले, हेरिटेज टूरिझमला चालना देण्यासाठी एमटीडीसीने राज्यातील 25 किल्ल्यांची निवड केली आहे. त्यामुळे हे किल्ले 50 ते 60 वर्ष भाडेतत्वावर भाड्याने देण्यासाठी राज्य सरकार प्रयत्नशील आहे.