रितेशच्या मुलाने दिले 'स्टार' बच्चेकंपनीला 'फिटनेस चॅलेंज'
फिटनेस चॅलेंज हे केवळ मोठ्यांपर्यंत मर्यादित न राहता छोटे देखिल हे फिटनेस चॅलेंज पूर्ण करताना दिसत आहेत. असाच एका सेलिब्रेटी किडचा फिटनेस चॅलेंज व्हिडिओ सध्या सोशल मीडियावर व्हायरल होत आहे. रितेश देशमुख व जेनेलिया देशमुख यांचा मुलगा राहिल या व्हिडिओमध्ये व्यायाम करताना दिसतोय.
जेनेलियाने आपला मुलगा राहिल याचा फिटनेस चॅलेंजचा व्हिडिओ ट्विटरवर शेअर केला आहे. यात तो क्लायंबिंग करताना दिसतोय. 'बाबाने दिलेला फिटनेस चॅलेंज राहिलने स्विकारला आणि त्याने इतर बच्चेकंपनीला फिटनेस चॅलेंज दिला,' असे कॅप्शन या व्हिडिओला आहे. #BachceFitTohDeshFit हा हॅशटॅग वापरत तिने चिमुकल्या राहिलचा व्हिडिओ शेअर केला आहे.
याशिवाय व्हिडिओच्या शेवटी राहिल इतर बच्चेकंपनीला ही फिटनेस चॅलेंज देताना दिसतो. यात तो तुषार कपूरचा मुलगा लक्ष्य, सैफ-करीनाचा मुलगा तैमूर, करण जोहरची मुलं रूही-यश व आर्पिती खानचा मुलगा आहिल यांना फिटनेस चॅलेंज देताना दिसतो.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.