Jack Axelrod Dies : हॉलीवूडचे प्रसिद्ध अभिनेते जॅक अॅक्सेलरोड यांचे निधन झाल्याची धक्कादायक बाब समोर आली आहे. ते ९३ वर्षांचे होते. प्रदीर्घ आजारानं त्यांचे निधन झाल्याची माहिती सुत्रांनी दिली आहे. केवळ अभिनयाच्या प्रेमापोटी त्यांनी नोकरी सोडली आणि चित्रपटांची वाट धरली होती.

हॉलीवूडची प्रसिद्ध मालिका जनरल हॉस्पिटल मध्ये व्हिक्टर जेरोमच्या भूमिकेनं त्यांना मोठी पसंती मिळवून दिली होती. त्यामुळे त्यांची लोकप्रियता कमालीची वाढली होती. वेगवेगळ्या देशांममध्ये अॅक्सेलरोड यांच्या अभिनयाचे चाहते होते. त्यांच्या जाण्यानं हॉलीवूडला मोठा धक्का बसला आहे. चाहत्यांनी सोशल मीडियावर त्यांना प्रतिक्रियेच्या माध्यमातून आदरांजली वाहिली आहे.

अभिनेत्याच्या जवळचे जेनिफर गारलँड यांनी अभिनेत्याच्या निधनाचे वृत्त दिले आहे. त्याविषयी माध्यमांना सांगितले आहे. सुत्रांनी दिलेल्या माहितीनुसार खरं तर जॅक यांचे निधन २८ नोव्हेंबर रोजी झाले होते. मात्र काही कारणास्तव त्यांच्या निधनाचे ते वृत्त उशिरानं समोर आले. एल ए मध्ये साधारण १९३० मध्ये जॅक यांचा जन्म झाला होता.

अमेरिकेमध्ये परतल्यानंतर त्यांनी एक आर्किटेक्ट म्हणून आपली वेगळी ओळख निर्माण केली होती. करिअरसाठी ते जर्मनीतील अमेरिकी सेनेत कॉर्पोरेल म्हणून रुजू झाले होते. असं म्हटलं जातं की, त्यांनी चित्रपटात काम करायचे म्हणून नोकरी सोडून दिली होती. त्यांनी पहिला चित्रपट मॅकबेथच्या ऑफ ब्रॉड वे मध्ये प्रॉडक्शन म्हणून अभिनय केला होता.

वुडी अॅलन ही त्यांची पहिली फिचर फिल्म होती. त्यानंतर त्यांनी वाईस, रोड टू रिडेम्पश, हॅनकॉक, लिटिल फॉकर्स, सुपर ८ सारख्या चित्रपटांतून त्यांनी काम करत प्रेक्षकांना, चाहत्यांना जिंकून घेतले होते.