मराठी चित्रपटातील हॅण्डसम हंक म्हणून ओळखला जाणारा अभिनेता म्हणजे ललित प्रभाकर. जुळून येती रेशीमगाठी या मालिकेमुळे त्याला खूप लोकप्रियता मिळवली. मालिकेबरोबरच ललितने चित्रपटांमध्येही काम केले आहे. तर दुसरीकडे मराठी चित्रपटसृष्टीतच नाही तर हिंदीतही आपल्या अभिनयाने प्रेक्षकांच्या मनावर अधिराज्य गाजवणारी अभिनेत्री म्हणजे सई ताम्हणकर. दुनियादारी, वजनदार, गर्लफ्रेंड, धुरळा, हंटर या चित्रपटांमधून ती प्रेक्षकांच्या भेटीस आली होती. सई तिच्या बोल्ड आणि हटके अंदाजामुळे नेहमीच चर्चेत असते. हे दोघं आता आगामी 'कलरफूल' या चित्रपटात एकत्र झळकणार आहेत. 

या चित्रपटात ललित - सईची रोमँटिक केमिस्ट्री चाहत्यांना पाहायला मिळेल. ललित आणि सईने या चित्रपटाचा पोस्टर  सोशल मीडियावर पोस्ट केला आहे. 'आठवणींची गोष्ट आणि गोष्टींची आठवण ! कलरफुल' असं कॅप्शन या फोटोला त्यांनी दिले आहे.

हेही वाचा : 'तुझ्यात जीव रंगला'मधल्या अभिनेत्रीने गुपचूप उरकला साखरपुडा

हेही वाचा : 'फँड्री'तल्या शालूचं मेकओव्हर; तुम्ही आर्चीलाही विसराल!

या चित्रपटात सई मीराच्या भूमिकेत दिसणार आहे तर ललित करणच्या भूमिकेत दिसणार आहे. हा चित्रपट २ जुलैला प्रदर्शित होणार आहे. कलरपुल या चित्रपटामध्ये रंगाने भरलेली लव्ह स्टोरी पहायला मिळणार आहे. या चित्रपटाचे दिग्दर्शन प्रकाश कुंटे यांनी केले आहे. सई आणि ललित पहिल्यांदाच एकत्र काम करणार आहेत त्यामुळे यो दोघांना एकत्र पाहण्याची उत्सुकता प्रेक्षकांमध्ये निर्माण झाली आहे.