Madhuri Dixit And Dr Shriram Nene: बॉलिवूड अभिनेत्री माधुरी दीक्षित ही नेहमी कोणत्या ना कोणत्या कारणाने चर्चेत असते. माधुरी आता जरी चित्रपटांमध्ये जास्त सक्रिय नसली तरी ती सोशल मिडियावर सक्रिय असते. अलीकडेच माधुरीने पती श्रीराम नेने यांच्यासोबत निर्माता म्हणून तिच्या आगामी 'पंचक' या मराठी चित्रपटाची घोषणा केली.

पंचक या चित्रपटाचा ट्रेलरही नुकताच रिलिज करण्यात आला आहे. यावेळी माधुरी आणि नेने हे PVR-Phoenix येथे 'पंचक' च्या ट्रेलर लाँचला उपस्थित होते. आता या कार्यक्रमाचा एक व्हिडिओ सध्या सोशल मिडियावर व्हायरल होत आहे. या व्हायरल व्हिडिओत श्रीराम नेने मराठी बोलताना दिसत आहे. हा व्हिडिओ पाहिल्यानंतर नेटकरी हसत आहेत तर काहींना त्यांची बोलण्याची स्टाइल खूपच आवडली आहे.

'पंचक' ट्रेलरच्या लाँचनंतर माधुरी आणि तिचा पती डॉ. श्रीराम नेने यांनी मिडियासोबत संवाद साधला. यावेळी नेने यांनी मीडियाशी बोलताना मराठी चित्रपटांबद्दल हिंदी न बोलता मराठीत आपल्या भावना व्यक्त केल्या. अतिशय छान प्रकारे त्यांनी मराठीत संवाद साधला. मात्र त्यांचा अॅक्सेंट वेगळा असल्यामुळे सर्वांना हा व्हिडिओ खुप आवडला. ते तुटक्या मराठी इंग्रजी शैलीत मिडियाशी बोलले.

या व्हिडिओत ते म्हणतात, 'मराठी चित्रपटात अर्थ असतो, भावना असतात, पण त्या कशा व्यक्त करायच्या आणि पाहायच्या हे मला आज कळलं.' त्यांनी हा सिनेमा पाहण्याचे आवाहन केले. आता हा व्हिडिओ व्हायरल होत असून नेटकरी यावर प्रतिक्रिया देत आहे. तर अनेकांना 'युवर मराठी अ‍ॅक्सेंट इज सो क्यूट.. प्लीज से इट अगेन' वाला रील ट्रेंड आठवला आहे.

डॉक्टर श्रीराम नेने आणि माधुरी दीक्षित नेने यांचा 'पंचक' चित्रपट येत्या नवीन वर्षात 5 जानेवारीला प्रदर्शित होणार आहे.आदिनाथ कोठारे, दिलीप प्रभावळकर, भारती आचरेकर, आनंद इंगळे, तेजश्री प्रधान, सतीश आळेकर, नंदिता पाटकर, सागर तळाशीकर, संपदा कुलकर्णी, आशिष कुलकर्णी, दीप्ती देवी, विद्याधर जोशी, आरती वडगबाळकर, गणेश मयेकर अशी मराठी सिनेसृष्टीतील मातब्बर मंडळी या चित्रपटात अभिनय करणार आहे.