समंथा रुथ प्रभू(Samantha Ruth Prabhu) आपल्या बॉलीवूड(Bollywood) एन्ट्रीसाठी(Entry) सज्ज आहे. नुकतीच एक बातमी समोर आली आहे की आयुषमान खुरानासोबत दिनेश विजनच्या सिनेमात ती दिसणार आहे. पण त्या पाठोपाठ आता बातमी कानावर पडतेय की विकी कौशलच्या(Vicky Kaushal) बहुचर्चित 'द इम्मोर्टल अश्वत्थामा' या सिनेमात ती दिसण्याची शक्यता आहे.(Samantha Ruth Prabhu join Vicky Kaushal's 'The Immortal Ashwatthama'?)

मीडियाला मिळालेल्या माहितीनुसार आदित्य धरने 'अश्वत्थामा' सिनेमाच्या स्क्रिप्टवर काम सुरू केलं आहे. आणि या सिनेमात मुख्य अभिनेत्रीची भूमिका साकारण्यासाठी आदित्यने समंथासोबत बोलणी सुरू केली आहेत.

एका इंग्रजी वेबसाईटला मिळालेल्या वृत्तानुसार,'अश्वत्थामा' सिनेमाचं शूटिंग २०२३ मध्ये सुरू होऊ शकतं. सिनेमाच्या कलाकारांची निवड पूर्ण होत आली असून बजेटवरचं कामही पूर्ण झालं आहे. आदित्यने समंथाला ऐकवलेली सिनेमाची स्टोरीलाइनही पसंतीस उतरली आहे. जर सगळं जुळून आलं तर समंथा आणि विकीची जोडी पडद्यावर पहायला मिळेल.

सध्या विकी त्याच्या 'सॅम बहाद्दुर' सिनेमाच्या शूटिंगमध्ये व्यस्त आहे. हा एक बायोपीक आहे. विकीनं आपले सहा ते आठ महिने या सिनेमाच्या शूटिंगमध्ये घालवले आहेत. या सिनेमाचं काम आटोपल्यानंतर विकी आदित्यच्या 'अश्वत्थामा' सिनेमाचं शूटिंग सुरु करणार आहे.

समंथा संदर्भात अफवा आहे की ती आयुषमन खुराना सोबत सिनेमात काम करतेय. तापसी पन्नूच्या सिनेमातही ती दिसणार आहे. तर असंही कानावर पडतंय की समंथा अक्षय कुमार सोबत करण जोहरच्या आगामी सिनेमात दिसणार आहे.