'जय काली कलकत्तेवाली..'; 'काली' च्या दिग्दर्शिकेला अनुपम खेरनी फटकारलं?

दिग्दर्शिका लीना मणिमेकलई(Leena Manimekalai) आपल्या 'काली'(KAALI) सिनेमाच्या पोस्टरवरनं सध्या वादग्रस्त चर्चेत आहे. सोशल मीडियावर लीनाला नेटकऱ्यांनी खूप खरी-खोटी सुनावली आहे. जवळपास सर्व राजकीय पक्ष तिच्याविरोधात उभे राहिलेयत. त्यातच आता अभिनेता अनुपम खेर यांनी देखील एक इंट्रेस्टिंग ट्वीट केलं आहे.(Anupam Kher speaks on 'KAALI Controversy',tweet viral)

अनुपम खेर यांनी ट्वीटरवर मां कालीचा एक फोटो शेअर केला आहे. त्याला कॅप्शन देताना त्यांनी लिहिलं आहे,''शिमलामध्ये एक प्रसिद्ध मां कालीचं मंदिर आहे. कालीबाडी. लहानपणी मी अनेकदा तिकडे जायचो. बूंदीचा प्रसाद आणि गोड पंचांमृताचा लाभ घेण्यासाठी खास, मंदिराच्या बाहेर एक साधू-फकीर सारखा एक बाबा सारखं म्हणायचा,जय मां कलकत्तेवाली...तेरा श्राप ना जाये खाली. आजकाल मला त्या साधुची आणि मंदीराची खूप आठवण येतेय''.

अनुपम यांच्या त्या ट्वीटनंतर बोललं जात आहे की त्यांनी लीना आणि तिच्या सिनेमाविरोधातच हा इशारा दिला आहे. लीना मणिमेकलईनं आपल्या 'काली' सिनेमाच्या पोस्टरवर काली मां चा पेहराव केलेल्या अभिनेत्रीला सिगारेट ओढताना दाखवलं आहे. फोटो मध्ये मां कालीच्या हातात त्रिशूळ तर आहेच पण LGBTQ कम्युनिटीचा झेंडा देखील आहे.

'काली'चा हा पोस्टर समोर आल्यावर सोशल मीडियावर मोठं वादळ उठलं आहे. लीनाला अटक करण्याची मागणी केली जातेय. लीनाचं ते पहिलं वादग्रस्त ट्वीट सोशल मीडियावरुन ट्वीटरनं डिलीट केलं आहे. दिल्ली,युपी,मुंबईत लीना विरोधात तक्रारही दाखल करण्यात आली आहे. लीना मणिमेकलईचं आता म्हणणं आहे की,'ती कुठेच सुरक्षित नाही'. तिनं एक ट्वीट करत लिहीलं आहे की,'मला वाटतंय पूर्ण देश माझ्या विरोधात गेलं आहे'.

अभिनेता अशोक पंडित आणि सेन्सॉर बोर्डाचे मुख्य पद भूषविलेले पहलाज निहलानी यांनी या वादग्रस्त प्रकरणावर बोलताना सिनेमाला सर्टिफिकेट देताना कोणत्या कठीण परिस्थितीतून जावं लागतं याचा पाढाच वाचला होता. अशोक पंडित म्हणाले,''कोणत्याही सिनेमाला रिलीज होण्याआधी सेन्सॉरचं परवानगी पत्र लागतंच. पण फिल्म फेस्टिव्हलची गोष्ट वेगळी आहे''. तर पहलाज यांनी सांगितलं आहे की,''इंटरनॅशनल फिल्म फेस्टिव्हलमध्ये सिनेमांना स्वातंत्र्य दिलं जातं. म्हणजे सिनेमे तिथल्या स्टॅंडर्डला मॅच करतील. आणि याचाच फायदा मग बरेच फिल्ममेकर्स उचलतात. स्वातंत्र्याच्या व्याख्या मग ते आपल्या मनाप्रमाणे लावतात''.