Yoga day 2023 Shila Shetty Yoga Video Viral : बॉलीवूडमधील फिटनेस फ्रीक सेलिब्रेटी म्हणून ज्या अभिनेत्रीच्या नावाचा आवर्जून उल्लेख करावा लागेल त्या शिल्पा शेट्टीचा नवा व्हिडिओ व्हायरल झाला आहे. शिल्पा ही नेहमीच तिच्या वेगवेगळ्या स्टाईल आणि फिटनेसच्या व्हिडिओनं चाहत्यांचे लक्ष वेधून घेताना दिसते. त्या व्हिडिओला मिळणारा प्रतिसादही मोठा असतो.

आज आंतरराष्ट्रीय योगा डे च्या निमित्तानं शिल्पानं जो व्हिडिओ शेयर केला आहे त्यावर आलेल्या प्रतिक्रिया भलत्याच भन्नाट आहे. काहींनी शिल्पाचा या वयातील फिटनेस पाहून तिचं कौतूक केलं आहे. चाहत्यांनी नेहमीप्रमाणे तिच्यावर कौतूकाचा वर्षाव केला आहे. वयाची चाळीशी पार केलेल्या सेलिब्रेटींमध्ये शिल्पाचा अंदाज हा चाहत्यांना नेहमीच घायाळ करणारा असतो. शिल्पाकडे पाहून कुणीही म्हणणार नाही की तिनं चाळीशीत पदार्पण केलं आहे.

बॉलीवूडमध्ये अशा काही सेलिब्रेटी आहे त्यांचा फिटनेस हा चाहत्यांचा खास गप्पांचा विषय असतो. त्यामध्ये मलायका अरोरा, शिल्पा शेट्टी, नोरा फतेही, समीरा रेड्डी, मल्लिका शेरावत, करिना कपूर, यांच्या नावाचा उल्लेख करावा लागेल. दोन वर्षांपूर्वी कोरोनाच्या काळात देखील या सेलिब्रेटींनी चाहत्यांना योगाचे महत्व समजावून देत वेगवेगळे व्हिडिओ शेयर केले होते. जास्तीत जास्त लोकांनी योगा करावा यासाठी या सेलिब्रेटींनी पुढाकार घेतला होता.

शिल्पानं देखील सोशल मीडियावर सतत लोकांना आरोग्याचे महत्व विशद करण्यासाठी व्हिडिओ शेयर केले आहे. त्यात तिच्या योगाच्या व्हिडिओला मोठा प्रतिसाद मिळाला आहे. त्यावरुन तिला मिळालेल्या प्रतिक्रियाही भन्नाट आहेत. तिच्या आताच्या व्हिडिओला अवघ्या तासाभरात लाखोंचा प्रतिसाद मिळाला आहे. त्यावरील कमेंटमध्ये अनेकांनी शिल्पावर कौतूकाचा वर्षाव केला आहे.

एका युझर्सनं शिल्पाचा संघर्ष, तिनं तिच्या आऱोग्यासाठी सतत घेतलेले परिश्रम आणि तिचे वैयक्तिक आयुष्य यावरुन तिचे कौतूक केले आहे. फिटनेससाठी तुमच्यात सातत्य असावे लागते. शिल्पानं सातत्य काय असते हे तिच्या फिटनेसमधून दाखवून दिले आहे. अशा शब्दांत चाहत्यांनी तिचं कौतूक केलं आहे.