औरंगाबाद : विधानसभेचे माजी अध्यक्ष तथा फुलंब्री मतदारसंघाचे आमदार हरिभाऊ बागडे यांनी करमाड (ता.औरंगाबाद) येथील आरोग्य केंद्रावर कोरोनाची लस घेतली. आमदार हरिभाऊ बागडे म्हणाले की, पंतप्रधान नरेंद्र मोदी यांनी ४५ वर्षांवरील नागरिकांनी  कोरोना लस घ्यावी असे आवाहन केले आहे. त्यानुसार मी करमाड येथील आरोग्य केंद्रावर लस घेतली. खरं तर पहिल्या टप्प्यामध्ये  मी लस घ्यायला पाहिजे होती. मात्र काही कारणास्तव मी घेऊ शकलो नाही व आता लस घेतली आहेत.

पोलिसांचा व्यापाऱ्यांना इशारा; दुकाने उघडाल, तर गुन्हे दाखल करु

महात्मा ज्योतिबा फुले व डॉक्टर बाबासाहेब आंबेडकर या महापुरुषाच्या जयंतीनिमित्त म्हणजेच ११ ते १४ एप्रिल दरम्यान देशभरात लसीकरण महोत्सव घेण्यात येत आहे. यामुळे फुलंब्री मतदारसंघातील ४५ वर्षांवरील नागरिकांनी लसीकरण करून घ्यावे असे आवाहनही श्री.बागडे यांनी केले आहे.

संपादन - गणेश पिटेकर