छत्रपती संभाजीनगर : बंदी असताना देखील शहरात नायलॉन मांजाची सर्रास विक्री सुरू आहे. त्यामुळे अनेकजण जखमी होत आहेत. त्यामुळे न्यायालय नॉयलॉन मांजा विक्री करणाऱ्यांच्या विरोधात कारवाई करण्याचे आदेश दिले आहेत. त्यानुसार महापालिका व पोलिसांनी संयुक्त कारवाई करून एन-१३ भागातील मुजफ्फरनगर येथे एकाचे घर व दुकान सील केले.

कार्यालयीन अधीक्षक जावेद खान, भरत पचलोरे, सुहास भाले, प्रमोद जाधव, दौलत म्हस्के व संजय पवार यांच्या पथकाने प्रभाग चार अंतर्गत शहरात ठिकठिकाणी तपासणी केली. पोलिसांना एन- १३ येथील मुजफ्फरनगर येथे ५७ हजार रुपये किमतीच्या ७० चक्री आढळल्या. पोलिसांनी मांजा जप्त करून संबंधितावर कलम १८८ नुसार गुन्हा दाखल केला.

महापालिकेतर्फे घर व दुकान सील करण्यात आले. ही कारवाई कार्यालयीन अधीक्षक जावेद खान, भरत पचलोरे, सुहास भाले, प्रमोद जाधव, दौलत म्हस्के व संजय पवार यांच्या पथकाने केली.