गेवराई (बीड): अवैध वाळू वाहतूक करणारा टिप्पर पाडळसिंगी टोलनाका परिसरात पकडला. यावेळी टिप्पर मालकाने मंडळाधिकाऱ्याच्या गाडीला धडक देऊन टिप्पर पळून नेल्याची घटना शुक्रवार (ता.नऊ) रोजी पहाटे तीनच्या सुमारास घडली. याप्रकरणी शासकीय कामात अडथळा व जीवे मारण्याचा प्रयत्न केल्याप्रकरणी गुन्हा दाखल करण्यात आला आहे.

तहसीलदार सचिन खाडे व इतर कर्मचारी पाडळसिंगी टोलनाका येथे वाळू वाहतुकीचा परवाना चेक करत होते. त्यानंतर काही कामानिमित्त तहसीलदार गेवराईला गेले व पावत्या चेक करणे सुरू ठेवा असे येथे उपस्थित असलेल्या मंडळ अधिकारी व तलाठी यांना सांगितले. यावेळी वाळूने भरलेला (एमएच 23 डब्लू -4299) टिप्पर आला. त्यास अडवून चालकाकडे पावतीची चौकशी केली असता. चालका जवळ संपलेली पावती आढळून आली. त्यामुळे सदरील टिप्पर कारवाईसाठी घेऊन जाणार, तेवढ्यात तिथे एका काळ्या स्कार्पिओ (एमएच 23 एडी-5990) मधून वाळूमाफिया आले व माझी गाडी असल्याचे सांगत गाडी पळवली.

Corona Impact| हतबल शेतकऱ्याने पिकात सोडली जनावरे; शेतातच सडतेय फळपीक

टिप्परचा पाठलाग केला असता शेख जुनैद चाँद व चालकाने आम्हाला जीवे मारण्याच्या उद्देशाने आमच्या गाडीला धडक दिली व शासकीय कामात अडथळा निर्माण केला. या प्रकरणी गेवराई पोलिस ठाण्यात मंडळअधिकारी अमोल सुधाकर कुरुलकर यांनी दिलेल्या फिर्यादीत वरून कलम 307, 353, 379, 427 प्रमाणे गुन्हा दाखल केला असून टिप्पर व चालक फरार असून पोलीस त्याचा शोध घेत आहेत.

Aurangabad Lockdown: औरंगाबादमध्ये विकेंड लॉकडाउनमध्ये काय सुरु आणि काय बंद?...

वाळूचे शासकीय लिलाव घाट सुरू असताना देखील गोदावरी पात्रातील अनेक ठिकाणी वाळू माफिया वाळू उपसा करत आहेत. यामुळे शासनाचा महसूल बुडत आहे. ही अवैध वाळू उपसा व वाहतूक करण्यास कोण जबाबदार आहे याची चर्चा होत आहे. दरम्यान वाळू घाटावरून वाळू वाहतूक होत असली तरीपण वाळूचे दर कमी झाल्याचे यामुळे दिसून येत नाहीत.