बीड - दुष्काळाचा सामना करण्यासाठी अधिकाधिक चारा छावण्या उभारल्या जातील. गरजेनुसार छावण्यांच्या निर्णयात बदल करू, शेतकऱ्यांना दिलासा देऊ, असे मुख्यमंत्री देवेंद्र फडणवीस यांनी येथे सांगितले. केंद्राने शेतकऱ्यांना दरवर्षी सहा हजार रुपये मदतीचा निर्णय नुकताच घेतला आहे. या अनुदानात वाढ होत जाणार असल्याचे सूतोवाचही त्यांनी केले.

एका कार्यक्रमावेळी फडणवीस म्हणाले, ‘‘दुष्काळ तीव्र आणि आव्हान मोठे असले तरी इच्छाशक्तीही मोठी आहे. पूर्वी दुष्काळी मदत जुनमध्ये येत असे. यावेळी फेब्रुवारीपासूनच ती दिली जाईल. लवकरच ती शेतकऱ्यांच्या खात्यावर जमा व्हायला सुरवात होईल.’