हिंगोली : हिंगोली येथे लवकरच कोरोना तपासणी लॅब सुरु होणार असून त्यासाठी ट्रू नेट मशीन उपलब्ध होणार आहे. लवकर ही मशीन बसणार असून त्यामुळे जिल्हावासियांची सोय होणार आहे. खासदार राजीव सातव यांनी यांनी केलेल्या मागणीला शासनाचा प्रतिसाद मिळाला आहे.

जिल्ह्यात मुंबई, पुणे, नाशीक या शहरातून येणाऱ्या मजूरांची तसेच गावकऱ्यांची संख्या भरपूर आहे. प्रत्येक तालुक्यात किमान सात ते आठ हजार मजूर टप्प्या टप्प्याने येत आहेत. त्यांना विलगीकरण कक्षात ठेवणे, त्यांचे स्वॅब नमुने तपासणीसाठी पाठविणे, त्यानंतर काही जणांचे अहवाल पॉझीटिव्ह आल्यानंतर संक्रमण साखळी शोधणे यासाठी कालावधी लागत आहे.

हेही वाचा - हिंगोली जिल्‍ह्यात वादळी वाऱ्यासह अवकाळी पावसाची हजेरी -

वैद्यकीय शिक्षणमंत्री अमित देशमुख यांना पत्र
खासदार ॲड. राजीव सातव यांनी वैद्यकीय शिक्षणमंत्री अमित देशमुख यांना पत्र पाठविले होते. त्‍यांच्या मागणीला शासनाने सकारात्मक प्रतिसाद दिला असून लवकरच हिंगोलीत ट्रु नेट मशीन उपलब्ध होणार असल्याचे सांगण्यात आले. शासकीय रुग्णालयात ही मशीन ठेवली जाणार आहे.
 
हेही वाचा - नृत्यातून आनंदी जीवन जगण्याचा विद्यार्थ्यांचा संदेश... -

जिल्‍ह्यात आतापर्यंत १८० कोरोना रुग्ण
कोरोना टेस्‍ट लॅब सुरू झाल्यानंतर सर्व चाचण्या हिंगोली जिल्‍ह्यात होतील. त्‍यामुळे चाचण्यांची संख्याही वाढविता येणार आहे. जिल्‍ह्यात आतापर्यंत १८० कोरोना रुग्ण आढळले आहेत. दररोज या रुग्णसंख्येत वाढ होत आहे. बाहेर जिल्‍ह्यातून येणाऱ्यांची वाढती संख्या सुरूच आहे.

अहवाल येण्यास लागतोय उशिर
सध्या हिंगोलीतून स्‍वॅब तपासणीसाठी औरंगाबाद किंवा नांदेड येथे पाठवले जातात. तेथील लॅबमध्ये टेस्‍टींगचे प्रमाण जास्‍त असल्यामुळे अहवाल येण्यास खुप उशिर लागत आहे. त्‍यामुळे हिंगोली जिल्‍ह्यात कोरोना स्‍वॅब टेस्‍टींग लॅब लवकरात लवकर सुरू करण्यास परवानगी द्यावी अशी मागणी खासदार ॲड. सातव यांनी रविवारी (ता.३१) वैद्यकीय शिक्षणमंत्री अमित देशमुख यांच्याकडे पत्र पाठवुन केली होती.