बीड : ऐन दिवाळी सणाच्या पाडवा या नववर्षाच्या रात्री त्रासामुळे होणाऱ्या तणावातून अगोदर पत्नी आणि मुलीला विष देऊन पतीने झालंड गळफास लावून आत्महत्या केल्याची घटना शहरातील संत नामदेव नगर भागात घडली. मृत्यपूर्व चिट्ठीत काही लोकांचा त्रास होत असल्याचा उल्लेख आहे.

योगेश शिंदे (वय 32), शीतल शिंदे (वय 28) व श्रावणी (वय 05) अशी या तिघांची नावे आहेत. संत नामदेव नगर भागातील रहिवाशी योगेश शिंदे हा खासगी वाहन चालक होता. गेल्या काही दिवसांपासून तो तणावात असल्याचे दिसत होते. त्यामुळे तो नेहमी शांत असे. दरम्यान, शिंदे कुटुंब पाच दिवसांपासून सासुरवाडीत राहत होते.

गुरुवारी (ता.08) रात्री तिघेही आपल्या घरी परतले. त्यानंतर मध्यरात्री हे कृत्य केले. अगोदर पत्नी शीतल आणि मुलगी श्रावणी या दोघींना विष देऊन नंतर योगेशने गळफास लावून आत्महत्या केली. पोलिस पंचनाम्यात त्याच्या खिशात मृत्यूपूर्व चिट्ठी सापडली असून त्यामध्ये काही नावे लिहून त्यांच्याकडून त्रास होत असल्याचा उल्लेख आहे.