जिंतूर : केंद्रीय राज्य मंत्री नारायण राणे यांनी मराठा समाजाचे नेते मनोज जरांगे पाटील यांच्यावर बेताल वक्तव्य केल्यामुळे शहरातील सकल मराठा समाजाने आक्रमक भुमिका घेऊन नारायण राणे यांच्या प्रतिकात्मक पुतळ्यास बुधवारी (ता.१४) सायंकाळी पाचच्या सुमारास जोडे मारो आंदोलन करुन पुतळ्याचे दहन केले.
मराठा समाजाचे संघर्ष योद्धा मनोज जरांगे पाटील आरक्षणाच्या मागणीसाठी चार दिवसांपासून आमरण उपोषणाला बसले असून त्यांची प्रकृती खालावत आहे यामुळे मराठा समाजाने आक्रमक भूमिका घेतली असून महाराष्ट्र बंदची हाक देण्यात आली. मात्र एकीकडे मनोज जरांगे पाटील आपला जीव धोक्यात घालत आहेत तर दुसरीकडे केंद्रीय राज्यमंत्री नारायण राणे यांनी मनोज जरांगे पाटील यांच्या बाबत ट्विटरवर बेताल वक्तव्य केल्याचा आक्षेप घेतला.
यामुळे त्यांनी मराठा समाजाच्या भावना दुखावण्याचे काम केले. त्यामुळे शहरातील छत्रपती शिवाजी महाराज चौकात सकल मराठा समाजातील युवकांनी एकत्र येत नारायण राणे यांच्या प्रतिकात्मक पुतळ्यास जोडे मारून पुतळा जाळून निषेध नोंदवला आहे या आंदोलनात मोठ्या प्रमाणात सकल मराठा समाजाचे कार्यकर्ते उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.