औरंगाबाद : दुष्काळामूळे जनावारांचा चारा आणि पाण्याचा प्रश्‍न निर्माण झाले आहे. यावर मात करण्यासाठी शासनस्तरावर प्रयत्न सुरु आहे. यात आता बाजार समितीतर्फे पुढाकार घेण्यात आला आहे. बाजार समितीतर्फे करमाड येथील उपबाजारपेठे येथे चारा छावणी सुरु करण्यात येणार आहे. बुधवारी (ता. 15) या छावणीचे उद्‌घाटन होणार आहे. अशी माहिती सभापती राधाकिसन पठाडे यांनी मंगळवारी (ता. 14) दिली. 

करमाड येथे सकाळी 11 वाजता विधानसभा अध्यक्ष हरिभाऊ बागडे यांच्या प्रमुख उपस्थितीत, जिल्हाधिकारी उदय चौधरी यांच्या हस्ते चारा छावणीचे उद्‌घाटन होईल. यावेळी तहसिलदार श्री. सोनी, एसडीएम ज्ञानोबा बारापूरे यांची प्रमुख उपस्थिती राहणार आहे. या छावणीत एक हजार जनावारांचा सुविधा करण्यात येणार आहे. शासनाच्या नॉम्स नुसार आम्ही चारा छावणीत सर्व सुविधा देणार आहे. पाण्यासाठी टँकरने पाणी पुरवठा करण्यात येणार आहे. यासह जडगाव हिवरा जवळ पाण्याची व्यवस्था होईल का यांचीही चाचपणी करण्यात येत आहे. तर चारा इंचलकरंजी येथून कुट्टी करून मागविण्यात आला आहे. जनावारांना रोज सोयाबीन, तुर, हरभरा यांचा भुसा खायला देणार आहे. सध्या बाजार समितीतर्फे चारा छावणी उभारणीसाठी बाबू नेट लावण्यात येत आहे. जनवाराबरोबर राहणाऱ्या शेतकऱ्यांच्या जेवणाची विषयी संचालक मंडळात चर्चा घेऊन निर्णय घेण्यात येणार आहे. 

छावणीत सहभागी होण्याचे आवाहन -
चारा छावणीत औरंगाबाद तालुक्‍यातील शेतकऱ्यांनी आपले जनावारे आणावेत. जनावरे आणाताना सोबत शेतकऱ्यांनी सातबारा आणावा असे आवाहन सभापती राधाकिसन पठाडे यांनी केले