पैठण (औरंगाबाद): येथील जायकवाडी धरणाच्या मुख्य सुरक्षा भिंतीजवळ बॉम्ब सदृश्य वस्तु मंगळवारी (ता. 11) आढळून आली आहे. या घटनेची माहिती मिळताच पोलिस निरीक्षक चंदन इमले यांनी धरणावर पोलिसांसह अग्निशमन दल, रुग्णवाहिका आदी यंत्रणा सतर्क केली आहे. औरंगाबाद येथील बॉम्ब शोधक व नाशक पथकाला पाचारण केले आहे.

बॉम्ब शोधक पथकाने घटनास्थळी पाहणी केल्यानंतर आढळून आलेल्या बॉम्ब सदृश्य वस्तुची माहीती स्पष्ट होईल. असे पोलिस निरीक्षक इमले यांनी दिली.

दरम्यान धरणावर बॉम्ब सदृश्य वस्तु आढळून आल्याची बातमी शहरात कळताच चर्चेला उधाण आले आहे. धरणावर उप अभियंता अशोक चव्हाण, सहायक अभियंता बुद्धभषण  दाभाडे आदी यंत्रणा सज्ज आहे.