हिंगोली : जिल्ह्यात शुक्रवारी ता. २४ सलग पाचव्या दिवशीही सकाळी सहा ते आठ यावेळी रिमझिम पाऊस झाला असुन आज सकाळी आठ वाजेपर्यंत ११ मिलिमीटर पावसाची नोंद झाली आहे. जिल्ह्यात आतापर्यंत ११७. १३ मिलिमीटर पाऊस झाला आहे.

जिल्ह्यात मागील चोवीस तासात आज सकाळी आठ वाजेपर्यंत ११ मिलिमीटर पाऊस झाला. तालुका निहाय झालेला पाऊस पुढील प्रमाणे हिंगोली तालुका ३.७० मिलिमीटर, कळमनुरी ५.४० वसमत १४.९० औंढा नागनाथ ३१.७० सेनगाव ३.७० मिलिमीटर पावसाची नोंद झाली आहे.

आजपर्यंत जिल्ह्यात ११७.१३ टक्के पाऊस झाला आहे. जिल्ह्यात सोमवार, मंगळवारी, बुधवार, गुरुवार, शुक्रवार असा सलग पाच दिवस पाऊस झाला. आज सकाळी सहा ते आठ या वेळी रिमझिम पाऊस झाला. त्यानंतर पावसाने उघडीप दिली. मात्र ढगाळ वातावरण निर्माण झाले होते.

या पावसाने सोयाबीन काढणीस व्यत्यय आला असुन अनेक शेतकऱ्यांनी शेतात कापणी केलेले सोयाबीन पावसाने भिजले आहे. हा पाऊस हिंगोली, कळमनुरी, वसमत, औंढा व सेनगाव तालुक्यात सर्वदुर झाला आहे.