सेनगाव  (जिल्हा हिंगोली) : सेनगाव येथे एका मतिमंद महिलेवर अत्याचार केल्या प्रकरणी गुरूवारी (ता. २८) एकाविरुद्ध सेनगाव पोलिस ठाण्यात गुन्हा दाखल झाला असून पीडीत महिला गर्भवती असल्याचे पोलिसांनी सांगितले.
या धक्कादायक प्रकारमुळे सेनमगावमध्ये खळबळ उडाली आहे. अत्याचार करणाऱ्यास पोलिस कोठडी सुनावली आहे.

या बाबत पोलिसांनी दिलेल्या माहितीनुसार सेनगाव येथील एका ३५ वर्षीय मतीमंद महिला आखाड्यावर राहत होती. ती एकटी असताना रमेश लांडे राहणार सेनगाव याने चार ते पाच महिण्यापुर्वी तिच्यावर सतत अत्याचार केला. याबाबत वाचत्या केल्यास ठार मारण्याची धमकी दिली. पीडीत महिला गर्भवती राहीली आहे. अत्याचार केल्याप्रकरणी रमेश लांडे विरुध्द गुन्हा दाखल झाला असून आरोपीला ताब्यात घेवून त्‍याला न्यायालयात हजर केले असता चार दिवसाची पोलीस कोठडी देण्यात आली आहे.  

धमकी देऊन करीत होता अत्याचार

सेनगाव येथील शेतातील आखाड्यावर एक ३५ वर्षीय मतिमंद महिला एकटी पाहून तिच्या इच्‍छेविरुध्द सतत तीन दिवस रमेश लांडे (वय ३०) यांने त्या संधीचा फायदा घेत तिच्या शेतातील आखाड्यावर येऊन महिलेचे जबरदस्‍ती तोंड रुमालाने बांधून अत्याचार केला. ही घटना कोणाला सांगू नका नसता तुला मारून टाकतो अशी धमकी दिली. भयभीत झालेल्या महिलेने भीतीपोटी ही बाब कोणालाही सांगितली नाही. मात्र या प्रकाराने ती महिला गर्भवती राहील्याची बाब उघडकीस आली सदर घटने बाबत मुलीच्या आईने दिलेल्या फिर्यादीवरून रमेश लांडे याच्या विरोधात गुन्हा दाखल झाला आहे. 
या बाबत पोलिस उपनिरिक्षक सरदासिंग ठाकूर पोलीस उपनिरिक्षक बी. आर. जाधव यांनी या प्रकरणी भेट दिली आहे. व आरोपीला अटक करून शुक्रवारी (ता.29) न्यायालयात हजर केले असता त्याला चार दिवसाची पोलीस कोठडी सुनावली आहे. 

हेही वाचा -  लॉकडाउन : नांदेडवरुन तीन विशेष रेल्वेने साडेचार हजार परप्रांतीय मायभूमीत -

बोल्‍डाफाटा येथे अवैध देशीदारूचे सात बॉक्‍स जप्त

आखाडा बाळापुर : बोल्डाफाटा येथे स्थानिक गुन्हे शाखेच्या पथकाने शुक्रवार (ता. २९) टाकलेल्या छाप्यात अवैध देशी दारूचे सात बॉक्स जप्त केले आहेत. या दारुची किंमत २७ हजार रुपये असल्याचे तक्रारीत नमूद करण्यात आले आहे.

बोल्डा फाटा येथे विनापरवाना देशी दारूची विक्री होत असल्याची माहिती स्थानिक गुन्हे शाखेच्या पथकाला मिळाली होती. यावरून स्थानिक गुन्हे शाखेचे पोलीस निरीक्षक जगदीश भंडरवार यांच्या मार्गदर्शानाखाली उपनिरीक्षक शिवसांब घेवारे, जमादार विलास सोनवणे, शंकर जाधव, विशाल घोळवे, ज्ञानेश्वर सावळे, आकाश टापरे, प्रशांत वाघमारे, महिला पोलीस कर्मचारी पारू कुडमेथे यांच्या पथकाने शुक्रवारी बोल्डा फाटा येथे छापा टाकला. 

तुकाराम ढोकणेविरुद्ध गुन्हा दाखल  

यामध्ये तुकाराम सटवाजी ढोकणे हा बेकायदेशीररित्या देशी दारूची विक्री करत असताना आढळून आला. पोलिसांनी त्यास ताब्यात घेतले असून त्याच्याकडून २७ हजाराची देशी दारू जप्त केली. पोलिसांनी तुकाराम ढोकणेविरुद्ध गुन्हा दाखल केला असून त्याने वसमत तालुक्यातील चोंडी आंबा येथील गोविंद भोसले यांच्यावरही गुन्हा दाखल झाल्याचे पोलिसांनी सांगितले.