बीड : आई - वडील नातेवाईकाच्या अंत्यविधीसाठी बाहेरगावी गेल्याने घरी एकटीच असलेल्या व पदवीचे शिक्षण घेणाºया विद्यार्थिनीने गळफास घेऊन आत्महत्या केली. ही घटना गेवराई तालुक्यातील धोंडराई येथे रविवारी सकाळी उघडकीस आली. जिल्हा रुग्णालय पोलीस चौकीत याची नोंद झाली आहे.

लक्ष्मी अशोक भिंगले (१९) असे आत्महत्या केलेल्या विद्यार्थिनीचे नाव आहे. लक्ष्मी ही गेवराई येथील र. भ. अट्टल महाविद्यालयात पदवीचे शिक्षण घेत होती. शनिवारी सायंकाळच्या सुमारास लक्ष्मीचे आई - वडील नातेवाईकाच्या अंत्यविधीसाठी बाहेरगावी गेले होते. घरी केवळ लक्ष्मी व तिचा छोटा भाऊ होता. रात्रीच्या सुमारास गरमी होत असल्याने छोटा भाऊ हा गच्चीवर जाऊन झोपला. त्यामुळे घरात लक्ष्मी एकटीच होती. हीच संधी साधून तिने दोरीच्या सहाय्याने गळफास घेऊन जीवनयात्रा संपविली. सकाळी ८ वाजता लक्ष्मीचे चुलते घरी आल्यानंतर त्यांना दरवाजा उघडा दिसला. आत जाऊन पाहिले असता हा प्रकार उघडकीस आला. त्यानंतर तात्काळ लक्ष्मीच्या आई - वडिलांना माहिती दिली. पोलिसांनी पंचनामा करुन मृतदेह जिल्हा रुग्णालयात आणला. जिल्हा रुग्णालय चौकीत नोंद करण्यात आली आहे. लक्ष्मीच्या पश्चात आई - वडील, एक भाऊ असा परिवार आहे.