शिऊर : गुरुवारी (ता.17) फेब्रुवारी रोजी दुपारी चार वाजेच्या सुमारास तलवाडा (ता.वैजापुर) घाटात काही इसम बकऱ्या चारत असताना त्यांना अचानक एका अनोळखी बालकाचे प्रेत दरीत पडलेले असल्याचे दिसून आले. त्याची माहिती त्यांनी शिऊर पोलीसांना दिली असता सहायक पोलीस निरीक्षक निलेश केळे व कर्मचाऱ्यांनी घटनास्थळी जाऊन पाहणी करुन सदर बालकाच्या प्रेतास बाजूला घेऊन लोणी खुर्द येथील वैद्यकिय अधिकारी यांच्या मदतीने जागेवरच शवविच्छेदन करून दफनविधी करण्यात आला. (Marathwada Crime News)

ओळख पटविण्यासाठी सदर मृत बालकाचा फोटो सोशल मीडियावर व्हायरल झाल्याने सार्थक रमेश बागुल (वय 9) रा.खंडाळा (ता.वैजापुर) असे या बालकाचे नाव निष्पन्न झाले.(ता.11) फेब्रुवारी रोजी त्या बाबद वैजापूर पोलीस ठाण्यात अपहरणा चा गुन्हा नोंद झालेला आहे. मृत बालकाचे वर्णन व वैजापूर पोलीस ठाण्यात बेपत्ता असलेल्या बालकाचे वर्णन सारखे मिळून आले.

"दफनविधी केल्यानंतर प्रेत पुन्हा उकरले"

मृत बालकाची आणि वैजापूर पोलीस ठाण्यात अपहरणा बाबद गुन्हा नोंद असलेल्या बालकाचे वर्णन सारखे मिळून आल्याने घटनास्थळी वैजापूर पोलीस आणि बेपत्ता बालकाचे आई वडील येताच तहसीलदार राहुल गायकवाड यांनी पंचनामा करुन पोलीसांनी मृत बालकाचे प्रेत पुन्हा उकरले. आई वडिलांनी ते बघताच मृत बालक आमचा सार्थकच आहे असे म्हणून मोठा हंबरडा फोडला.

घटनास्थळी वैजापूरचे उपविभागीय पोलीस अधिकारी कैलास प्रजापती,तहसीलदार राहुल गायकवाड यांनी घटनास्थळाची पाहणी केली. वैजापूर ठाण्याचे पोलीस निरीक्षक सम्राटसिंग राजपूत,सहाय्यक पोलीस निरीक्षक निलेश केळे, सहाय्यक फौजदार तिलकचंद पवार,पोलीस कॉन्स्टेबल विष्णू जाधव,संदिप धनेधर,अविनाश भास्कर,अमोल मगर,गणेश गोरक्ष आदींनी ओळख पटविण्यासाठी प्रयत्न केले. अधिक तपास वैजापूर पोलीस करत आहे.