मुंबई : मुंबईतील कुलाबा येथील ताज हॉटेलजवळील इमारतीला आग लागली. ही घटना आज (रविवार) दुपारच्या सुमारास घडली. या आगीत एकाचा मृत्यू झाला. तर इतर 10-12 जणांची सुटका अग्निशमन दलाच्या जवानांनी केली. 

​चर्चिल चेंबर या चार मजली इमारतीच्या चौथ्या मजल्यावर आज दुपारी आगीचा भडका उडाला. अग्निशमन दलाने इमारतीच्या बाहेरून शिड्या लावून काही रहिवाशांची सुटका केली. या इमारतीच्या चौथ्या मजल्यावर असलेल्या 10-12 जणांची सुटका करण्यात अग्निशमन दलाला यश आले. मात्र, या आगीमुळे झालेल्या प्रचंड धुरामुळे एकाचा गुदमरुन मृत्यू झाला. आगीचे नेमके कारण अद्याप स्पष्ट झालेले नाही.