मुंबई : मुंबईत आज 330 नवीन रुग्णांची भर पडली. बाधित रुग्णांची संख्या आज वाढली असून मंगळवारी 228 नवीन रुग्णांची नोंद झाली होती. रुग्णांसह मृतांचा आकडा ही वाढला असून आज 5 रुग्ण दगावले. कोरोना बाधित रुग्णांची एकूण संख्या 7,56,772 वर पोहोचली आहे. तर 378 रुग्णांनी कोरोनावर मात केल्याने आतापर्यंत 7,34,590 रुग्ण कोरोनामुक्त झाले आहेत.आज सक्रिय रुग्णांची संख्या आणखी कमी झाली असून 3386 पर्यंत सक्रिय रुग्णांची संख्या कमी झाली आहे. 

आज 5 कोविड मृत्यूची नोंद झाली झाल्याने मृतांचा एकूण आकडा 16,259 वर पोचला आहे.बरे झालेल्या रूग्णांचा दर 97 टक्के असून कोविड वाढीचा दर 0.04 टक्के झाला आहे.मुंबईतील रूग्ण दुपटीचा कालावधी 1642 दिवस झाला.आज दिवसभरात 34,442 कोविड चाचण्या झाल्या असून आतापर्यंत 1,15,48,887 एवढ्या चाचण्या झाल्या आहेत.