पनवेल : सगळीकडे दिवाळीची धामधूम सुरु असताना अज्ञात लुटारुंच्या टोळीने तळोजा एमआयडीसी आणि खारघरच्या पापडीचा पाडा भागातील यूनियन बँकेचे दोन एटीएम मशिन्स गॅस कटरच्या सहाय्याने फोडून त्यातील लाखो रुपयांची लूट केल्याची घटना उघडकीस आली.

हे दोन्ही एटीएम मशिन्स एकाच टोळीने फोडले असून, याप्रकरणी खारघर व तळोजा पोलिसांनी अज्ञात टोळीवर जबरी चोरीचा गुन्हा दाखल केला आहे. सध्या या टोळीचा शोध सुरु केला आहे. मात्र, ऐन दिवाळीच्या मुहूर्तावर लुटारुंनी दोन एटीएम मशिन्स फोडून लाखोंची लूट केल्याने पोलिसांसमोर आव्हान उभे राहिले आहे.