मुंबई - मध्य रेल्वेवरील विठ्ठलवाडी स्थानकाजवळ बुधवारी (ता. 17) ओव्हरहेड वायर तुटल्यामुळे लोकल वाहतूक तब्बल तीन तास विस्कळित झाली होती. सतत होत असलेल्या बिघाडांमुळे दिवसाला 80 ते 90 टक्के वक्तशीरपणा राखण्याचा मध्य रेल्वेचा दावा फोल ठरला.

मध्य रेल्वेच्या लेटलतीफ कारभारामुळे रेल्वेमंत्री पीयूष गोयल यांनी मध्य रेल्वेला वेळापत्रक सुधारण्याचे आदेश दिले होते, त्या आदेशाचे पालन मध्य रेल्वेने केले नाही, हे दिसून आले. विठ्ठलवाडी स्थानकाजवळ बुधवारी सकाळी ओव्हरहेड वायर तुटल्यामुळे छत्रपती शिवाजी महाराज टर्मिनसच्या दिशेकडील लोकल वाहतूक ठप्प झाली. त्यामुळे सकाळच्या सत्रात अनेक लोकल फेऱ्या रद्द करण्यात आल्या.