मुंबई : एप्रिल मे या दोन उन्हाळ्याच्या महिन्यांत विजेचा तुटवडा निर्माण होऊ नये यासाठी बेस्ट उपक्रमाने ५० मेगावॉट वीज खरेदीचा निर्णय घेतल्याची माहिती बेस्ट उपक्रमाचे महाव्यवस्थापक लोकेश चंद्र यांनी दिली.
बेस्टचे मुंबईत १० लाख ४७ हजार वीज ग्राहक आहेत. उन्हाळ्यात विजेच्या मागणीत वाढ होते, यामुळे पुढील १ एप्रिल ते जूनपर्यंत असे तीन महिन्यांसाठी अतिरिक्त वीज खरेदीचा निर्णय बेस्ट उपक्रमाने घेतला आहे. सध्या टाटा पॉवर कंपनीकडून ७८० मेगावॉट वीज पुरवठा होतो. परंतु एप्रिल मे महिन्यात वीजेच्या मागणीत वाढ होत असल्याने अतिरिक्त ५० मेगावॉट वीज खरेदी करण्यात येणार असल्याचे ते म्हणाले.
यंदा उन्हाळ्यात ४० अंश सेल्सिअस तापमान जाण्याची शक्यता वर्तवली जात आहे. त्यामुळे एप्रिल मे महिन्यात मुंबईकरांकडून वीजेचा अधिक वापर होणार आहे. त्यामुळे एप्रिल मे महिन्यात मुंबईकरांना वीजेचा तुटवडा भासू नये यासाठी अतिरिक्त ५० मेगावॉट वीज खरेदी करण्यात येणार असल्याचे लोकेश चंद्र यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.