मुंबई : शिवसेनेचे आमदार प्रताप सरनाईक यांना मोठा दिलासा मिळालाय. MMRDA ने टॉप्स कंपनीबाबत आता स्पष्टीकरण दिले आहे. टॉप्स कंपनीवर लावण्यात आलेले आरोप तथ्यहीन असल्याचं MMRDA ने आपल्या अहवालात नमूद केले आहे. टॉप्स कंपनीकडून MMRDA ला पाचशे कंत्राटी सुरक्षारक्षक दिले जात होते. मात्र या पाचशे कंत्राटी सुरक्षा रक्षकांमधील केवळ सत्तर टक्केच सुरक्षारक्षक कामावर येत होते. अशात सर्व सुरक्षा रक्षकांचे वेतन निघत असल्याचा आरोप आर्थिक गुन्हे शाखेने आपल्या FIR मध्ये केला आहे.

दरम्यान, आता MMRDA कडून सादर करण्यात आलेल्या अहवालात Tops Securities वर लावण्यात आलेल्या आरोपांमध्ये तथ्य नसल्याचं म्हंटलं आहे. टॉप्स सिक्युरिटी प्रकरणात रमेश अय्यर यांनी तक्रार केली होती. या तक्रारीनंतर शिवसेना आमदार प्रताप सरनाईक यांची चौकशी ईडीकडून करण्यात आली, प्रताप सरनाईक यांच्या मुलाची देखील ED मार्फत चौकशी करण्यात आली. सोबतच अमित चंडोले यांना अटक देखील झाली.

सर्वात मोठी बातमी: उद्यापासून पुढील पंधरा दिवस महापालिका क्षेत्रात रात्र संचारबंदी लागू

काय आहे MMRDA च्या अहवालात ?

• MMRDA च्या निविदा प्रक्रियेत अनेक कंपन्यांनी सहभाग घेतला होता. 
• या निविदा प्रक्रियेतील सहा कंपन्यांना मान्यता देण्यात आलेली. 
• टॉप्स कंपनीला देखील या निविदा प्रक्रियेत मान्यता देण्यात आलेली.
• निविदा प्रक्रियेत नमूद केल्याप्रमाणे टॉप्स कंपनीने सुरक्षा रक्षक पुरवलेत आणि त्यांना निविदा प्रक्रियेप्रमाणेच निधी देखील देण्यात आला आहे.  
• गैरहजर सुरक्षा रक्षकांवर कारवाई देखील केली गेली आणि त्यांच्याकडून दंड देखील आकारण्यात आला.  

मुंबईच्या बातम्या वाचण्यासाठी इथे क्लिक करा। Latest News From Mumbai

MMRDA कडून सादर करण्यात आलेल्या अहवालामुळे प्रताप सरनाईक यांना दिलासा मिळाल्याचं बोललं जातंय. प्रताप सरनाईक यांची ED मार्फत चौकशी झाल्यानंतर सरनाईक यांनी यापुढेही ED ला चौकशीत सहकार्य करणार असल्याचं म्हटलंय. आपल्याला ED ने परत बोलावल्यास दोन तासात चौकशीसाठी हजर राहणार असल्याचे सरनाईक म्हणालेत. 

mmrda submits report in regards with tops securities big relief to pratap sarnaik shivsena MLA