मुंबई - महाराष्ट्र नवनिर्माण सेनेचे प्रमुख राज ठाकरे यांच्या उपस्थितीत मुंबईत आज एक कार्यक्रम पार पडला. राज्यभरातील डीजिटील क्रिएटर अर्थात रिल्सस्टार तरुणाईचा कारक्रम अमित ठाकरे यांनी आयोजित केला होता. यावेळी राज ठाकरे यांनी काही मिनिटांतच चौफेर फटकेबाजी केली. यावेळई त्यांनी लेकाबाबत घोषणा देणाऱ्या कार्यकर्त्यांनी आणि लेकाची फिरकी घेतल्याचं पाहायला मिळालं.

राज ठाकरे म्हणाले की, कार्यक्रम सुरु असताना मी आतमध्ये बसलो होतो. त्यावेळी अमित ठाकरेंबाबत घोषणा देण्यात येत होत्या. अमित ठाकरे अंगार है, बाकी सब भंगार है...! बाकीच्या भंगारमध्ये मी तर नाही येत नाही, अशी मिश्कील टीप्पणी राज ठाकरेंनी केली.

राज ठाकरे म्हणाले, मला अमितने सांगितलं, तु ये, दोन मिनिटं बोल आणि निघ. मी सहसा घरच्यांचा विरोधात जात नाही. त्यामुळे बोलणार आणि निघून जाणार आहे. रिल्सस्टारला संबोधित करताना राज ठाकरे म्हणाले की, माझ्यासमोर अनेक येतात. त्यांच्यात कमालीचा सेन्सऑफह्युमर आहे. सोशल मीडिया हे एक जबरदस्त हत्यार तुमच्या हातात आहे. या तुमच्या रिल्समधून महाराष्ट्राचं प्रबोधन देखील झालं पाहिजे. नुसतं भंकस चालू आहे, हे एवढं सिमीत नाही, असंही राज ठाकरे म्हणाले.