कल्याण : कल्याण डोंबिवली महानगर पालिका परिवहन उपक्रमाच्या 4 कर्मचाऱ्यांना तब्बल 18 वर्षांनी स्थायी कर्मचारी म्हणून नियुक्ती पत्र दिल्याने बुधवारी (ता. 15) महापालिका कर्मचारी संघटनेने जल्लोष साजरी केला. यावेळी नगरसेवक आणि संघटना अध्यक्ष महेश पाटील यांच्या हस्ते कर्मचाऱ्यांना नियुक्ती पत्र देण्यात आले.  

कल्याण डोंबिवली महानगरपालिका परिवहन उपक्रम सन 1999 मध्ये सुरू झाला. या उपक्रमात सध्या 500 हून अधिक कर्मचारी अधिकारी काम करत आहेत. शेकडो वाहक चालकांना सेवेत घेतल्यावर स्थायी कर्मचारी नेमणूक करणे गरजेचे होते. मात्र प्रशासनामधील अधिकारी आणि संघटनेमधील अंतर्गत वादामुळे ह्या नियुक्त्या न झाल्याने शेकडो कर्मचारी तुटपुंज्या पगारावर काम करत आहेत.

वाहक चालकांना परिवहन उपक्रमात स्थायी कर्मचारी म्हणून नेमणूक करावी म्हणून मागील वर्षापासून महापालिका कामगार कर्मचारी संघटना अध्यक्ष आणि नगरसेवक महेश पाटील, कार्याध्यक्ष अनिल पंडित, सुधीर पंडित, सुनिल शितकर आदींनी केडीएमटी प्रशासन सोबत मिटींग आणि पाठपुरावा केला, त्याला आज यश आले, बुधवार ता 15 नोव्हेंबर रोजी कमलाकर गोसावी ( वाहक ) सहीत 3 कर्मचाऱ्यांना स्थायी कर्मचारी म्हणून नियुक्त पत्र दिल्याने संघटना पदाधिकारी आणि कर्मचाऱ्यांनी जल्लोष साजरी केला. यावेळी अध्यक्ष आणि नगरसेवक महेश पाटील, कार्याध्यक्ष अनिल पंडीत, परिवहन समिती सदस्य संजय राणे यांच्या उपस्थित स्थायी कर्मचारी म्हणून नियुक्ती पत्र देण्यात आले तर कर्मचाऱ्यांनी पेढे वाटून एकमेकांचे अभिनंदन केले.

'ई सकाळ'वरील इतर महत्त्वाच्या बातम्या :

• दहशतवादाविरोधात एकत्र या: मोदी
• उघड्यावर शौच ही संस्कृती
• उसाचे पैसे थेट खात्यावर वर्ग करण्याबाबत साखर कारखा
• जेटली हे गुजरातवरील भार : सिन्हा 
• चाैपदरीकरणातील बेकायदा बांधकामांना लाखोंची भरपाई
• अपुऱ्या यंत्रणेमुळे खाकीही हतबल
• हार्दिक यांच्याशी संबंधित कथित व्हिडिओमुळे खळबळ
• शाळेचे मैदान की वाहनतळ? 
• दाऊदच्या मालमत्तांचा ११.५८ कोटींना लिलाव
• शंभरावर प्रकल्पांचा मार्ग केंद्राकडून मोकळा 
• नागरिकांचा हक्क आणि पालिकांची जबाबदारी