मुंबईत रुग्णालये, मॉल्स, हॉटेल, सोसायट्याना तसेच विकास कामांच्या ठिकाणी टँकरद्वारे पाणी पुरवठा केला जातो. मुंबईत दोन हजारहून अधिक टँकर आहेत. त्यामुळे टँकरवर अवलंबून असणाऱ्या ना याचा फटका बसला आहे.

मुंबईत सेंट्रल ग्राउंड वॉटर ऑथोरिटीच्या या नियमांची अंमलबजावणी ही फक्त मुंबईत केली जात असल्याने या विरोधात ८ फेब्रुवारीच्या मध्यरात्रीपासून मुंबई वॉटर टँकर असोसिएशने संप पुकारला आहे. मुंबईमध्ये अडीच हजार टँकर्स असून विविध ठिकाणी पाणीपुरवठा केला जातो. वॉटर टँकरच्या पाण्यावर अवलंबून असणाऱ्यांना संपामुळे अडचणींना सामोरे जावे लागते आहे.

नवे नियम

- वॉटर टँकर पुरवणाऱ्या मालकाकडे मुंबईत दोन हजार स्क्वेअर फिटची जागा हवी. या जागेमध्ये टँकर पाण्याने भरले जावे, रस्त्यावर कुठेही टँकर पाण्याने भरु नये

- पाच ते पंधरा वॉटर टँकरसाठी रोज प्रशासनाची परवानगी घेणे बंधनकारक असेल शिवाय लॉक शीट तयार करावे लागणार

- टेलिस्कोपिक मीटरचा वापर करणे आवश्यक

- प्रशासनाला वॉटर टँकर सुरु ठेवण्यासाठी दरवर्षी अॅडव्हान्स द्यावा लागणार शिवाय एनओसी काढावी लागणार