मुंबई - ‘देशाच्या अस्मितेचा हा प्रश्न आहे... युगपुरुष छत्रपती शिवाजी महाराजांच्या स्मारकाला मुळात परवानग्या नव्हत्या, तर पंतप्रधानांनी जलपूजन कशाला केले,’ असा सवाल करतानाच हा छत्रपती शिवाजी महाराजांचा अपमान आहे, असा आरोप विधान परिषदेचे विरोधी पक्षनेते धनंजय मुंडे यांनी केला.

छत्रपती शिवाजी महाराजांच्या स्मारकाचा विषय शेकापचे आमदार जयंत पाटील यांनी उपस्थित केला. या चर्चेत सहभाग घेताना धनंजय मुंडे यांनी सरकारवर हल्लाबोल केला. या प्रकरणी सरकारतर्फे भूमिका मांडली जात नसल्याने विरोधी आमदारांनी गोंधळ घातल्याने कामकाज तहकूब करावे लागले.