भाजप आमदार नितेश राणे (Nitesh Rane) यांचा जामीन मुंबई उच्च न्यायालयाने (Mumbai High-count) नाकारला. त्यानंतर आता नारायण राणे (Narayan Rane) यांच्या घराबाहेर पोलीस बंदोबस्त वाढवण्यात आला आहे. यापूर्वी केंद्रीय मंत्री नारायण राणेंवर झालेल्या कारवाईप्रमाणेच पोलीस नितेश राणेंना अटक करणार का अशी चर्चा सूरू आहे. मात्र नितेश राणे हे लवकरच सर्वोच्च न्यायालयात जाणार आहेत. मुंबई उच्च न्यायालयात नितेश राणे यांची सुनावणी पूर्ण झाली असून राणेंना मोठा धक्का बसला आहे. (Nitesh Rane Bail Rejected)

दुपारी दोन वाजता या प्रकरणाची उर्वरित सुनावणी पार पडणार असून राणे यांच्यासोबत नाव आलेले मनिष दळवी यांच्या जामीनावर न्यायालयाने शिक्कामोर्तब केलंय. मात्र नितेश राणे यांना तूर्तास जामीन नाकारण्या आला आहे. सिंधुदूर्ग जिल्हा बँकेच्या निवडणुकीआधी सेनेचे नेते संतोष परब यांच्यावर हल्ला झाला होता. या हल्ल्याच्या मास्टरमाईंडला दिल्लीतून पोलिसांनी ताब्यात घेतलं. त्यानंतर संपूर्ण प्रकरणात नितेश राणेंचा हात असल्याचे पुरावे पोलिसांना मिळाल्याचं म्हटलं जातंय. यानंतर राणेंनी कोर्टात धाव घेतली होती. अखेर त्यांचा अटकपूर्व जामीन नाकारण्यात आला आहे.