'सोनिया मातोश्रींचे पाय धुता, त्यामुळे राज्याचे प्रश्न कुठे सुटलेत'

मुंबई : भारतीय जनता पक्ष (BJP) आणि शिवसेना (Shiv Sena) यांच्यात नेहमी राजकीय कलगीतुरा रंगलेला दिसत आहे. दोन्ही पक्षांमधील नेते एकमेकांवर टीका करण्याची संधी सोडत नाहीत. भाजप आमदार अतुल भातखळकर (Atul Bhatkhalkar) यांनी सेना नेते खासदार संजय राऊतांवर टीका केली आहे. तुम्ही रोज मनापासून सोनिया मातोश्रींचे पाय धुता, त्यामुळे राज्याचे प्रश्न तरी कुठे सुटलेत, असा टोला भातखळकर यांनी राऊत यांना लगावला आहे. प्रसारमाध्यमांशी बोलताना संजय राऊत (Sanjay Raut) म्हणाले होते, की मोदींनी गंगास्नान करुन दलितांचे पाय धुतल्याचे नाट्य घडवले.(Atul Bhatkhalkar Criticize Shiv Sena Leader Sanjay Raut)

या कारणामुळे दलित, मजूर आणि सफाई कामगारांचे प्रश्न उत्तर प्रदेशमध्ये तरी सुटले काय?, असा सवाल राऊत यांनी उपस्थित केला होता. याला उत्तर भातखळकर यांनी ट्विट करुन दिले आहे. सध्या उत्तर प्रदेश, उत्तराखंड, पंजाब, गोवा आणि मिझोराम या पाच राज्यातील निवडणुकीची रणधुमाळी सुरु आहे. त्यामुळे राजकीय नेते नैतिकता सोडून टीका करित आहेत. आपण राजकारणाचे वातावरण (Mumbai News) मलिन करित आहोत असा साधा प्रश्नही या मंडळींना पडताना दिसत नाही.