उल्हासनगर - साहित्यिक-कवी दिलीप मालवणकर यांनी आयोजित केलेल्या राज्यस्तरीय ऑनलाइन स्पर्धेत नावनोंदणी करणाऱ्या राज्यभरातील 145 कवी पैकी 30 कवींची अंतिम निवड करण्यात आली आहे.त्यात अमेरिकेतील पल्लवी माने यांचाही समावेश आहे.20 सप्टेंबर रोजी निवड करण्यात आलेल्या कवींच्या कवितेचे वाचन होणार आहे. त्यातून विजेत्या ठरलेल्या कवींना प्रथम 2500 रुपये, द्वितीय 1500 रुपये व तृतीय 750 रुपये व चार उत्तेजनार्थांना प्रत्येकी 500 रुपये अशी रोख पारितोषिक दिली जाणार आहेत.अंतिम निवड  झालेल्या सर्व 30 कवींना सहभाग  प्रमाणपत्रा सोबत काव्यसंग्रहाची भेट देण्यात येणार आहे.

145 पैकी अंतिम निवड करण्यात आलेल्यात डॉ.धनराज खानोरकर -चंद्रपुर, आबा पांचाळ-वसमतनगर, गजानन मते-अमरावती, रविंद्र सोनवणी, मनीषा औटी-टिटवाळा, संदिप गुजराथी-नाशिक, वीणा बाविस्कर-जळगाव, पल्लवी माने-अमेरिका, चिंतामणी पावसे-दापोली, राजेश साबळे-ओतुरकर, एजाज खान- बुलढाणा, विजय जोशी-डोंबिवली, जयश्री कुलकर्णी-नाशिक, प्रा.अनिल कवठेकर-बदलापूर, प्रा.धनाजी बुटेरे, अनिल सुरोशी-कल्याण, विजय सानप-औरंगाबाद, आबासाहेब निर्मळे-कोल्हापूर, बाळासाहेब दुंदे-खेड, विजय सातगावकर-पाचोरा, माधुरी फालक-उल्हासनगर, देविका प्रसाद दिवटे-सांगली, प्रा.राजपाल पाटील-उदगीर, दिपाली पवार-गोरेगाव, सुहासिनी सुरेश-पुणे, दिपक मोहित-गुहागर, शशी त्रिभूवन-अहमदनगर, मनिषा जाधव-वेंगुर्ला, अशोक कुमावत- पुणे, शिरिष माळी-मालाड या कवींचा समावेश असल्याची माहिती आयोजक दिलीप मालवणकर यांनी दिली.