बॅंकॉक : कोरोनाविरोधातील लढ्यासाठी क्रीडा क्षेत्र आणि खेळाडूही प्रत्यक्ष- अप्रत्यक्ष मैदानात उतरलेले आहेत. कोणी आर्थिक मदत करत आहे, तर कोणी रस्त्यावर उतरून सहाय्य करत आहेत. थायलंडची बास्केटबॉल संघटना तर चार कोटी मास्क बनवणार आहे. 

अधिक आणि सविस्तर बातम्या वाचण्यासाठी ईपेपर वाचा

थायलंडच्या बास्केटबॉल संघटनेचे अध्यक्ष निपोंध चावलीमोंटेन यांनी ही घोषणा केली. संघटनेतील अध्यक्षपदाबरोबर निपोंध बॅंकॉकमधील एका वस्त्रउद्योक आणि एक्‍स्पोर्ट करणाऱ्या कंपनीचे आर्थिक संचालकही आहेत. थायलंड सरकार आणि तेथील खासगी क्षेत्राची मदत घेऊन निपोंध त्यांच्या कंपनीतून निर्जंतुक मास्क तयार करणार आहेत. 
सध्या सर्व क्रीडा क्षेत्र बंद झाले आहे. अशा परिस्थितीत आमची बास्केटबॉल संघटना लोकहितासाठी काय करू शकते, असा विचार मी केला. त्यानंतर मी लगेचच बैठक घेतली. किती आर्थिक मदत लागेल, याचा अंदाज घेतला आणि त्यानंतर लगेचच हा निर्णय घेतला, असे निपोंध यांनी सांगितले. 

मुंबईतील महत्वाच्या बातम्या वाचण्यासाठी येथे क्लिक करा

आम्ही केवळ बास्केटबॉलशी संबंधित असलेल्यांनाच हे मास्क देणार नसून इतर खेळातील लोकांनाही त्याचा पुरवठा करणार आहोत. आमचे मास्क धुऊन पुन्हा वापर करण्याजोगे असतील, असे निपोंध यांनी सांगितले.