मुंबई, ता. २२ : दादर-माटुंगा सांस्कृतिक केंद्राच्या वतीने २८ ते ३० एप्रिल या कालावधीत संगीत नाट्य महोत्सवाचे आयोजन करण्यात आले आहे. संस्थेच्या वा. वा. गोखले सभागृहात दररोज सायंकाळी ५.३० वाजता हा कार्यक्रम सुरू होणार असून, नाट्यरसिकांसाठी पर्वणी असणार आहे. गोविंद बल्लाळ देवललिखित ‘संगीत शारदा’ हे संगीत नाटक शुक्रवारी (ता. २८) सादर होईल. शनिवारी (ता. २९) कृष्णाजी प्रभाकर खाडिलकर लिखित आणि संगीत दिग्दर्शक कै. भास्करबुवा बखले यांचे ‘संगीत स्वयंवर’ हे संगीत नाटक सादर होणार आहे. रविवारी (ता. ३०) विद्याधर गोखले लिखित संगीत मदनाची मंजिरी हे नाटक सादर केले जाणार आहे.