मुंबई, ता. ७ : धनाढ्य व्यक्तींना बँकिंग सेवांबरोबरच अन्य विशेष सेवा देण्यासाठी कोटक प्रायव्हेट बँकिंगतर्फे कोटक रिझर्व्ह ही विशेष योजना आणली असून त्याद्वारे त्यांना उच्च राहाणीमानासंदर्भातील प्रवास, आरोग्य, करमणूक आदी सोयीसुविधा मिळतील. यात ताज सदस्यत्वासह वास्तव्य, भोजन, स्पा आदी सुविधा मिळतील. लाफायेत लक्झरी कॉन्सीरेज योजनेनुसार जगात कोठेही सुट्टी घालवण्यासाठी सप्ततारांकित हॉटेलांमध्ये राहणे शक्य होईल. कला कार्यक्रमांसाठी बुकमायशोची व्हाऊचर मिळतील. बँकेतील लॉकर तसेच कर्जे, बँकेची घरपोच सेवा या बाबी सवलतीच्या दरात तसेच कॉलबॅक सेवाही मिळेल. तसेच कोटक व्हाईट रिझर्व्ह क्रेडिट कार्डाद्वारे क्लब मॅरिअट सदस्यत्व आणि भारतातील उच्च दर्जाच्या गोल्फ क्लबमध्ये सेवा मिळेल; तर आंतरराष्ट्रीय आणि घरगुती विमानतळांवरील लाऊंजमध्येही प्रवेश मिळेल. ही योजना प्रिमिअम बँकिंगमध्ये एकमेवद्वितीय आहे, असे कोटक बँकेच्या प्रायव्हेट बँकिंगचे सीईओ ओईश्रय दास यांनी सांगितले.