चुरशीच्या लढती

ठाकरेंचा बालेकिल्ला शिंदेंच्या ताब्यात
मतदारसंघ - भांडुप पश्चिम
विजयी उमेदवार - अशोक पाटील
मताधिक्य - ६७६४

सुमारे पावने दोन लाख मराठी भाषिक मतदार असलेला भांडुप पश्चिम मतदारसंघ चुरशीच्या लढतीत शिवसेना शिंदे गटाचे उमेदवार अशोक पाटील यांनी अनपेक्षितपणे काबीज केला.

या मतदारसंघात शिवसेना शिंदे गटाचे माजी आमदार यांच्यासह शिवसेना ठाकरे गटाचे माजी आमदार रमेश कोरगावकर आणि मनसे नेते शिरीष सावंत रिंगणात होते. प्रचारादरम्यान भांडुपमध्ये मनसेची हवा होती, मात्र ती प्रत्यक्ष मतपेटीत उतरली नाही. दुसरीकडे भाजप कार्यकर्ते आणि समर्थक पाटील यांच्या विजयासाठी संपूर्ण ताकदीने मतदानासाठी उतरली. त्यामुळे पाटील यांना विजयी ७७७५४ मते पडली. कोरगावकर ७०९९० आणि सावंत यांनी २३३३५ मते घेतली.

१२व्या फेरीपासून आघाडी
ठाकरे गटाचे कोरगावकर पहिल्या फेरीपासून आघाडीवर होते, मात्र १२ व्या फेरीपासून चित्र पालटले. तेथून अखेरच्या फेरीपर्यंत पाटील आघाडीवर राहिले. त्यामुळे अखेरच्या फेऱ्यांमध्ये शिंदे गट, पाटील आणि मित्रपक्षांच्या कार्यकर्त्यांनी मतमोजणी केंद्राबाहेर गर्दी केली.

अंतिम चित्र
विजयी उमेदवार- अशोक पाटील, शिवसेना (एकनाथ शिंदे)
मते- ७७७५४
पराभूत उमेदवार- रमेश कोरगावकर, शिवसेना ठाकरे गट,
मते- ७०९९०

कोट
सेनेच्या जीवावर सेनापती लढतो. आमचा सेनापती खरा, खमका आहे, हे या लढतीतून स्पष्ट झाले. हा विजय माझ्या एकट्याचा नाही, तर त्यात कार्यकर्त्यांच्या मेहनतीचा सिंहाचा वाटा आहे.

अशोक पाटील,
विजयी उमेदवार